Read Samo, Southern Loe 129 Bible Online

Loe 129 - Samo, Southern bible

Loe 129

¹Wo Zeruzalɛmu loe. A kũ maa tenmaa waáraa ganaa, ǹ nə́ bɔ ma yii-n parsiini. Izirayeli minin, ka bɛ lɛ pɛ:

²A kũ maa tenmaa waáraa ganaa, ǹ nə́ bɔ ma yii-n parsiini, sɛnɛ, ǹ boo la ǹ nə́ sii kɔn zɛnaa ma-n wa.

³Min baraan nə́ ma duwəə ma dɔ̀ɔ̃ ganaa. Ma dɔ̀ɔ̃ yoo bələlə bələlə, ka buu-kɔsɔlin man nə́ kantia bɔ a nɛ.

⁴Sɛnɛ, Dɛnaa Lawa a kiri kɔkɔrɔ we wa. Min baraan nə ma yii ka biɛ mɛn nɛ, á bɛ na.

⁵Min mɛn tumaa bɛ́ Zeruzalɛmu biɛ zɔ́ɔ, sìi da bɛn ganaa, ǹ wusoo ka ǹ kio ne.

⁶Toa ǹ goã ka kala la ǹ buu bɛ́ lɔn, a n laɛ, bɛ̀ ǹ tɔn woɛ̃ wa.

⁷A ba a woɛ̃li gɔn piɛ̃ wa, a ba a goali gɔn yii boe wa.

⁸Kiɛ̃ wolen ba pii mà Dɛnaa Lawa die a barka da ka ganaa wa. Wɔ n barka diɛ ka ganaa ka Dɛnaa Lawa tɔ nɛ.