Read Samo, Southern Loe 132 Bible Online

Loe 132 - Samo, Southern bible

Loe 132

¹Wo Zeruzalɛmu loe. Dɛnaa Lawa, n yiri kɔ Davida li. A nɔmaa mɛn wɔ, n yiri gisĩ bɛ nɛ.

²Davida na á n liɛ Dɛnaa Lawa nɛ, á n lɛ kɔ Zakɔba a Lawa Pàãyiidɛnaa la, á pɛ kɛnɛn:

³Ma a re we maa mɔnaa kion kɛ-n doo duduu wa, ma a re woe wɛɛ tán maa piì la doo duduu wa,

⁴ma a re toɛ nyuù ma yii kũ doo duduu wa, ma a re n yii tiɛ̃ kɔn doo duduu wa,

⁵yǎa bɛ̀ má bǎã yɛ má kɔ Dɛnaa Lawa la, yǎa bɛ̀ má giã ǹ bǎã yɛ, má kɔ Zakɔba a Lawa Pàãyiidɛnaa la.

⁶ Wɔ́ ma mà *lɛ kɔ kɔn la ǹ goo lɛ á Efrata. Wɔ́ yɛ Yaara don.

⁷Ka daa wɔ n tá wɔ kaa Dɛnaa Lawa a kion, wɔ n musi lɛn koa tán a kii dankan kɛ yɔrɔ-a.

⁸Dɛnaa Lawa, yoo ka lɛ kɔ kɔn la ǹ goo lɛ nɛ, goo lɛ nə n din pàã nyɛɛ, yoo n da n susu ǹ bǎã nɛ.

⁹N din pàã die a n minin kirisibaa, toa bɛ lɛ kɔ n wúlu-bɔlen kɛn lɛ ka mɔnaa bɛ́ lɔn. N din a min sonboren kɛn, bɛn die ǹ nə n nyɛnyɛɛ ka lɛn gole ne,

¹⁰n din a bɛ̀rɛgiĩ Davida taman yii, n kii mɛn bɔ ń koa, n baran n yɔrɔ bɔ la wa.

¹¹ Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

¹²Bɛ̀ n nɛnyaanan nə́ lɛ kɔ kɔn la ǹ boo kɛ tamaa, ka dí-pɛn kɛn nɛ, ma tá ǹ darɛɛ a ganaa, ǹ dɔn nɛnyaanan tá re giɛ̃ n bǎã nɛ, ǹ kii baa yǎa duduu.

¹³A giala, Dɛnaa Lawa din na á Zeruzalɛmu bɔ, a n li *Siɔn na asɛ a giã ǹ bǎã baa.

¹⁴A n die maa giã ǹ bǎã biɛ duduu. Man die giɛ̃ kànaa. A din lɛ n ma foo dùũ lɛa.

¹⁵Ma á re Zeruzalɛmu a dɔǹɔn piɛ̃, ma á re a doobaan nɔ̀ kiɛ̃ ka màn-bii ni.

¹⁶Ma din tá re ma pàã koe a wúlu-bɔlen kɛn lɛ, ma ǹ kirisibaa. A min sonboren kɛn tá re n nyɛnyɛɛ ka lɛn gole ne.

¹⁷ Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

¹⁸Man die sìi dɔnkɛ we a zɔ́ɔn kɛn ganaa. Sɛnɛ, man die gɔlɔbaa ǹ bafolo we asɛ mìi ganaa.