Read Samo, Southern Loe 136 Bible Online

Loe 136 - Samo, Southern bible

Loe 136

¹ Ka barka da Dɛnaa Lawa nɛ, a giala Dɛnaa á siĩni. A kɔn-narɛɛ a nyɛɛ duduu wa.

²Ka barka da lawan Lawa nɛ, a kɔn-narɛɛ a nyɛɛ duduu wa.

³Ka barka da dɛnaan Dɛnaa nɛ, a kɔn-narɛɛ a nyɛɛ duduu wa.

⁴Kaãbaa sii dadara goã nɛ, a kɔn-narɛɛ a nyɛɛ duduu wa.

⁵ A din yiri lɛ na á lon da, a kɔn-narɛɛ a nyɛɛ duduu wa.

⁶ Á tán bɔ á nyɔmaa mu lalan, a kɔn-narɛɛ a nyɛɛ duduu.

⁷ Folon-bɔle dadaran zɛnaali ni, a kɔn-narɛɛ a nyɛɛ duduu wa.

⁸Á wasa koa lɛawaa mìi la, a kɔn-narɛɛ a nyɛɛ duduu wa.

⁹Á mui laanka leeren koa tèlò mìi la, a kɔn-narɛɛ a nyɛɛ duduu wa.

¹⁰ Á nɛgiĩ binaan dɛ Ezipti, a kɔn-narɛɛ a nyɛɛ duduu wa.

¹¹ Á Izirayeli bɔ á bɔ Ezipti, a kɔn-narɛɛ a nyɛɛ duduu wa.

¹²A din pàã nɛ, a din we ne, a kɔn-narɛɛ a nyɛɛ duduu wa.

¹³ Á Sawɛɛ tà kuru kɔn paa, a kɔn-narɛɛ a nyɛɛ duduu wa.

¹⁴Á Izirayeli kũ á kiɛ̃ nɛ a bii, a kɔn-narɛɛ a nyɛɛ duduu wa.

¹⁵Eziptin kii ka a zia nɛn nɛ, á toa Sawɛɛ tà lɛ a mu bɛn kũ, a kɔn-narɛɛ a nyɛɛ duduu wa.

¹⁶Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

¹⁷Á kii dadaran kɔnɔn dɛ ǹ nə́ gã, a kɔn-narɛɛ a nyɛɛ duduu wa.

¹⁸Á kii pàãdɛnan dɛ ǹ nə́ gã, a kɔn-narɛɛ a nyɛɛ duduu wa.

¹⁹ Á Amɔɔrɔn kii Sihɔn dɛ, a kɔn-narɛɛ a nyɛɛ duduu wa.

²⁰ Á Basan kii Ɔgu dɛ, a kɔn-narɛɛ a nyɛɛ duduu wa.

²¹Á bɛn gána baa ka di kíɛ̃ nɛ, a kɔn-narɛɛ a nyɛɛ duduu wa.

²²Á kɔ a dí-nyali Izirayeli la, a kɔn-narɛɛ a nyɛɛ duduu wa.

²³Wɔsɛn koe-yɛ biikoo li, á n yiri koa wɔsɛn kɛn li, a kɔn-narɛɛ a nyɛɛ duduu wa.

²⁴Á wɔ si wɔa zɔ́ɔn kɛn la, a kɔn-narɛɛ a nyɛɛ duduu wa.

²⁵A din nə bii boe màn tumaa nɛ, a kɔn-narɛɛ a nyɛɛ duduu wa.

²⁶Ka barka da lon a Lawa nɛ, a kɔn-narɛɛ a nyɛɛ duduu wa.