Read Samo, Southern Loe 14 Bible Online

Loe 14 - Samo, Southern bible

Loe 14

¹ Loe-saalin goledɛnaa loe mɛn lɔ. Davida a loe n ke. Baãnaan man pii ǹ dinin gɔ́ɔ̃ nɛ mà Lawa banban. Bɛa minin kɛn nə́ ziziɛ̃, maǹ sii bɔnɛɛ zɛnɛɛ, ǹ kɔn ba sii bǐɛ̃ zɛnɛɛ wa.

²Dɛnaa Lawa nə́ n toa lon a ga minbuiinin ganaa, a n giɛ bɛ̀ yiridɛnaa goon tá ǹ bii, bɛ̀ yiridɛnaa tá ǹ bii, á n giɛ Lawa li.

³Sɛnɛ, ǹ tumaa zii da, ǹ tumaa baraabaa ǹ zii saa. Ǹ kɔn ba sii bǐɛ̃ zɛnɛɛ wa, haalɛ ǹ min goon din.

⁴Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

⁵Ǹ nə́ ke bìn diɛ nyɛ́ɛ gunun, a giala, Lawa n kun ka min sonboren ne.

⁶Min baraan lɛn man doobaan laadoo siin ziziɛ̃, sɛnɛ, Dɛnaa Lawa din nə ǹ kaamayele wole lɛa.

⁷Min mɛn bɛ́ re boe *Siɔn kele la, a Izirayeli kirisibaa, man zoɛ̃ máa ma bɛ yɛ. Bɛ̀ Dɛnaa Lawa din wusoo a ná a minin kɛn kaa ǹ bǎã nɛ, bɛa biikoo li, Izirayeli á die n nyɛnyɛɛ, a foo á die kɔɔ̃n koe.