Read Samo, Southern Loe 148 Bible Online

Loe 148 - Samo, Southern bible

Loe 148

¹Aleluya, ka Dɛnaa Lawa tɔ bɔ! Lon mànan lɛn, ka loe lɔ ka Dɛnaa Lawa tɔ bɔ. Kasɛn mɛnɛn bɛ́ lon gɔ́ɔ̃ nɛ, ka loe lɔ ka a tɔ bɔ.

²Kasɛn mɛnɛn bɛ́ a lon a dia dí-a wolen lɛa, ka tumaa loe lɔ ka a tɔ bɔ. Lon mànan lɛn dɔn, ka tumaa loe lɔ ka a tɔ bɔ.

³Wasa laanka mui, ka loe lɔ ka a tɔ bɔ. Kasɛn leeren tɛ-pɛlen lɛn tumaa, ka loe lɔ ka a tɔ bɔ.

⁴Kasɛn mɛnɛn bɛ́ lon sɔɔsɔɔ, ka loe lɔ ka a tɔ bɔ. Mun mɛnɛn bɛ́ labaran lalan, ka dɔn nə loe lɔ ka a tɔ bɔ.

⁵Ǹ tumaa loe lɔ ǹ Lawa tɔ bɔ, a giala, Lawa na á ǹ zɛnaa, ka a boo dinsɔɔ̃ nɛ.

⁶A na á ǹ koa yǎa duduu. Á landan koa ǹ la, bɛn ba n bɔyɛɛ wa.

⁷Tán mànan lɛn, ka loe lɔ, ka Dɛnaa Lawa tɔ bɔ. Yìsi mu li ǹ màn baraan laanka mu nyankɔrɔ zuzulu mànan tumaa, ka loe lɔ ka Dɛnaa Lawa tɔ bɔ.

⁸La a tɛ-pɛ laanka la gii ni, *mu nyuù-wɔle laanka burumu ni, ka piɛ̃ gole kɛ nɛ a lɛ sii, ka loe lɔ ka a tɔ bɔ.

⁹Kelen laanka tentenen tumaa, da nɛ-kɔlen laanka da kakan tumaa, ka loe lɔ ka a tɔ bɔ nɛ.

¹⁰Don mànan laanka tɔɔn tumaa, bàanan nɛ, ka a nɔ̀ giɛɛraa tán wolen ne, ka loe lɔ ka a tɔ bɔ nɛ.

¹¹Kanaa a gánadɛnan laanka tɔrɔn tumaa, kiin laanka kanaa a nyɛɛnaandɛnan tumaa nɛ, ka loe lɔ ka a tɔ bɔ nɛ.

¹²Tɔntɔraan lɛn, kasɛn nɛnɛn lɛn dɔn, min golen laanka nɛnyaanan nɛ, ka loe lɔ ka a tɔ bɔ nɛ.

¹³Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

¹⁴Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!