Read Samo, Southern Loe 16 Bible Online

Loe 16 - Samo, Southern bible

Loe 16

¹Davida a loe n ke. Ee Lawa, ma tamaa, a giala man má kaa n din yele.

²Man pii Dɛnaa Lawa nɛ: N din nə maa Mìinaa lɛa. N dinsɔɔ̃ n yii-nyɛɛ koe ma la.

³Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

⁴Sɛnɛ, man pii kanna máa min mɛnɛn bɛ́ baa sii lawa kɔsɔn kio, bɛa dɛnan nɔmaa a nyɛɛ wa. Masɛ á re *wúlu màn mà kiɛ ǹ ganaa doo wa. Haalɛ, ma á re ǹ boo din diɛ ka ma lɛ-n doo wa.

⁵Dɛnaa Lawa, n din nə ma laadoo màn tumaa lɛa. Maa biɛ̃ ǹ nə n din gɔn.

⁶Màn mɛn dɔ ma ganaa, á siĩn kɔ á la yii ni. N din bɛ́ n màn mɛn kɔ ma la, bɛ lɛ n kɔɔ̃n ma ganaa á la màn yii ni.

⁷Ma á barka diɛ Dɛnaa Lawa nɛ. A din lɛ n ma doree. Haalɛ tèlò-n, maa taasiɛ n boo diɛ ma nɛ.

⁸Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

⁹Bɛ lɛn ke, ma foo á kɔɔ̃nɛ, ma tá n nyɛnyɛɛ, foo-doa tá ma lon.

¹⁰A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa[11].

¹¹N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.