Read Samo, Southern Loe 26 Bible Online

Loe 26 - Samo, Southern bible

Loe 26

¹Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

²Dɛnaa Lawa, n din maa sii gɔsɛ, n zɔɔ̃ n ga a ganaa, maa taasiɛ laanka ma gɔ́ɔ̃gɔ́ɔ̃ ǹ sii gɔsɛ n ga a ganaa.

³A giala, ma yii nə n bǐɛ̃ duduu kɛ la, man tɔ we n din a pepere-pɛ kɛ li.

⁴Ma a re giɛ̃ tán kun ka min baraan nɛ wa, ma a re koe gɔ́ɔ̃ tì-an lɛ wa.

⁵Min mɛnɛn bɛ́ sii baraa zɛnɛɛ, bɛn ba kɔɔ̃n ma-a wa, ma a giɛ̃ tán kun ka min baraan nɛ wa.

⁶Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

⁷ma barka da n nɛ minin nə ma, ma n sii dadaran kɛn tumaa kalaa ǹ ma.

⁸Dɛnaa Lawa, n giã ǹ kion kɛ tá kɔɔ̃n ma ganaa. N gugurubaa kɛa giã ǹ bǎã á kɔɔ̃n ma ganaa.

⁹N baran maa wɔ gii kaa kun, ka sii baraa-zɛnaalin kɛn nɛ wa, n baran ma nyin bɔ kun, ka gɛ̀-dɛlen kɛn nɛ wa.

¹⁰Ǹ gɔn lɛ-a ǹ dí tumaa sii bɔnɛɛ, ǹ gusin piɛ̃maa-n ka lɛ pii ǹ màn nɛ.

¹¹Sɛnɛ, masɛ n tɔ we maa peperebaa gɔ́ɔ̃ nɛ. N din bǐɛ̃ kɔ n ma si ǹ la.

¹²Má gòãn doa ǹ bǎã yɛ, bɛ lɛ nɛ, ma á re Dɛnaa Lawa guguru koe zaman bii.