Read Samo, Southern Loe 28 Bible Online

Loe 28 - Samo, Southern bible

Loe 28

¹Davida a loe. Aa Dɛnaa Lawa, ma nə n lɛ dii n din li. Ma foo doa ǹ bǎã kaka, n baran n too tã maa boo li wa. Bɛ̀ ń nə́ n piã n ma lɛ si wa, n ma yaa kiɛ̃ n biɛ ka gere bɛ́ lɔn.

²Bɛ̀ ma tá n din a kion sonbore kɛ nɛ, bɛ̀ ma á n gɔn diɛ n din la, bɛ̀ ma á n lɛ dii n ganaa n too kɔ, n maa gòã-kũ si.

³N baran min baraan dɔlɔ bɔ ma-a wa, n sii baraa-zɛnaalin dɔlɔ bɔ ma-a wa. Maǹ là nyantoro boo diɛ ǹ miãn nɛ, sɛnɛ, sii baraa nə́ ǹ dinin foo pã.

⁴ Ǹ kũ ǹ dinin zɛnaa ǹ sii li, ǹ kũ ǹ dinin nya ǹ dí baraa li. Ǹ gɔn dòo saraa ǹ la, Dɛnaa Lawa, ǹ doamaa bɛ́-n ka màn mɛn nɛ, n bɛ kɔ ǹ la.

⁵Ǹ ba n yiri koɛ Dɛnaa Lawa a zɛnaa ǹ sii li wa, ǹ ba n yiri koɛ a nya ǹ dí li wa. Haya Dɛnaa Lawa! N din nə ǹ nyɛnaa n nə ǹ kaa, ǹ baran yoo doo duduu wa.

⁶Maa barka á Dɛnaa Lawa ganaa, a giala á maa gòã-kũ si.

⁷Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

⁸Dɛnaa Lawa din na a minin kɛn pàã lɛa, a kii mɛn bɔ á koa, a din pàã n bɛ kirisibiɛ.

⁹N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.