Read Samo, Southern Loe 29 Bible Online

Loe 29 - Samo, Southern bible

Loe 29

¹ Davida a loe. Lon mànan lɛn[15], kasɛn nə Dɛnaa Lawa tɔ bɔ, ka a gugurubaa kɛ pɛ, ka a pàãdɛnaabaa kɛ pɛ.

²Ka Dɛnaa Lawa tɔ kɛa gugurubaa kɔ la. Bɛ̀ ká Dɛnaa Lawa a siĩnbaa kɛ yɛ lɔn, ka kaa tán a giulun ka a guguru kɔ[16].

³Dɛnaa Lawa lɛn tá boe mu la, Lawa guguru lɛ á gini mu la, Dɛnaa Lawa din nə kɔ̀ mu dadaran kɛn mìi la.

⁴Dɛnaa Lawa lɛn lɛ n kaka, Dɛnaa Lawa lɛn lɛ n gole.

⁵Dɛnaa Lawa lɛn lɛ n da kakan kɛn yiɛ, Dɛnaa Lawa n Liban da kakan kɛn yiyiɛ.

⁶A n Liban kelen kɛn kiɛ parɛɛ ganaa, ka dii gɔ̀lɔ̀ tenən bɛ́ lɔn. A n Ɛrmɔn kele kɛ diɛ parɛɛ ganaa, ka don a zù ten bɛ́ lɔn.

⁷Dɛnaa Lawa lɛn lɛ n tɛ pii yɛlɛlɛ yɛlɛlɛ.

⁸Dɛnaa Lawa lɛn lɛ n bìn diɛ diə gole kɛ ganaa, Dɛnaa Lawa n bìn diɛ Kadɛsi diə gole kɛ ganaa.

⁹Dɛnaa Lawa lɛn lɛ n yuùnun kiɛ nɛ-yɛ ganaa[17]. A n daã gòã li ǹ dan luu kiɛ, bɛ̀ a bɔ ǹ ganaa. A kion kɛ nɛ, màn tumaa mà gugurubaa na a din wɔ lɛa.

¹⁰Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

¹¹Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.