Read Samo, Southern Loe 43 Bible Online

Loe 43 - Samo, Southern bible

Loe 43

¹Ee Lawa, n din sonbore pɛ n da ma lon. N din bɔ ma lɛ-a, n yoo min kɔkɔrɔn kɛn gialaa. N din ma kanbaa minin-bebeleli laanka gɔ́ɔ̃ tì dɛnaa ganaa.

²Lawa, n din nə ma pàã lɛa. Wàa na á baa n tá ma tii? Wàa na á baa ń toɛ ma á woe ka yɔrɔ-kɔsiɛ nɛ, maa zɔ́ɔn kɛn nə́ ma gialaa?

³N din nə ń tɛ fúlu kɛ kɔ ma la, ka n sonbore kɛ nɛ, bɛn lɛn tá re ma nyɛɛnaan boe, ǹ wo ma koa *Siɔn n kele sonbore kɛ la, n din a giã ǹ bǎã kɛ nɛ.

⁴Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

⁵Wàa na á baa ma foo á ziziɛ̃, man ginii we kɛnɛn? Yǎa man foo doɛ Lawa ganaa. Taãn nɛ, ma á re wusii ma a tɔ bɔ, maa Lawa mɛn bɛ́ ma kirisibaali lɛa.