Read Samo, Southern Loe 46 Bible Online

Loe 46 - Samo, Southern bible

Loe 46

¹ Loe-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

²Wɔsɛn man kiɛ Lawa yele, a din nə wɔ pàã lɛa, a din nə dɔmalɛ wole lɛa biikoo tumaa li nɔmaa gɔ́ɔ̃ nɛ.

³Bɛ lɛ n ke, wɔ ba nyɛ́ɛ biɛ sii kɔn nɛ wa, haalɛ ta tán nə bìn diɛ, á n kelen bɔyɛɛ ǹ kiɛ kɔ̀ mu bii,

⁴haalɛ ta kɔ̀ mu wuu n boe, á n kaã boe, á n yui á n bìn diɛ kelen ganaa. *Doa

⁵Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

⁶Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

⁷Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

⁸Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa

⁹Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

¹⁰A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

¹¹Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

¹²Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa