Read Samo, Southern Loe 55 Bible Online

Loe 55 - Samo, Southern bible

Loe 55

¹Loe-saalin goledɛnaa loe mɛn lɔ, ǹ nə́ da zii ka loe lɔ ǹ mànan nɛ, biɛn nə́ ǹ ganaa. Davida a loe goon ne.

²Lawa! N too kɔ maa nyankɔ li, bɛ̀ ma á goã-kũ diɛ n-a, n baran n duru ma la wa.

³N yiri kɔ ma li, n maa nyankɔ si. Maa foo ziziɛ̃ gɔ́ɔ̃ nɛ, ma nə n yiri binbirin boe, man busu ǹ boon diɛ.

⁴Zɔ́ɔ kɛ bɛ́ boo mɛn diɛ, min baraa kɛ bɛ́ boe ma yii-n lɔn, ǹ bɛ́ baraa mɛn zɛnɛɛ ma nɛ, ǹ bɛ́ ma gialaa ka foo-busii mɛn nɛ, bɛ́ ma yiri lɔlɔkɔn.

⁵Ma foo n biɛ niɛ̃ ma gɔ́ɔ̃ nɛ, gɛ̀ a nyɛ́ɛ n ma kuĩ.

⁶Nyɛ́ɛ laanka gɔ̀nɔn bìn diɛ n ma gialaa, foo biɛ niɛ̃ dɔ n die ma dii.

⁷Bɛ lɛ nɛ má pɛ, máa bɛ̀ wuruun nyàa kan man ma lon! Bɛ̀ man die piɛ̃, ma ga susu ǹ bǎã li.

⁸Sonbore, bɛ̀ a n miɛ̃, bɛ̀ man baa sii, ma wo sɔsɔɔ, ma wo giã don bii. *Doa

⁹Bɛ̀ ma á re duru ǹ bǎã yii fufuu, a ma si piɛ̃ gole kɛ la.

¹⁰Dɛnaa! Maa zɔ́ɔn lɛn sii lɔlɔkɔn, toa ǹ dinin nə mɛ kɔn. Má yɛ, kiwi lɛ gɔ́ɔ̃ nɛ, kakaarɛbaa laanka sii lɔlɔkɔn na a tan,

¹¹Bɛa siin kɛn lɛn man kiwi lɛ lɛnpɛnɛ penleen laanka tèlò ne. A gɔ́ɔ̃ dɔ nɛ, bɛa baraabaa siin kɛn lɛn manə ǹ tan.

¹²Gɛ̀-dɛ nɛ, pàã nyaa kɔn nɛ nɛ, koɛ̃n-koe ne, bɛn manə n zɛnɛɛ a ziin la.

¹³Min mɛn bɛ́ sɔ koe ma ganaa, ǹ dɛnaa bie maa zɔ́ɔ lɛa wa, bɛ bie wa, bɛ̀ ma á sii ma ganaa. Maa zɔ́ɔ bie ma gialaa wa, bɛ bie wa, bɛ̀ ma á re n duri la.

¹⁴Sɛnɛ, nsɛ kɛ nɛ, ma din a dàã lɛa, maa giaára lɛa, maa koa kun wole dɔ lɛa.

¹⁵Wɔ́ goã boo sonboren diɛ kɔn nɛ, bɛ̀ wɔ bɛ́ tɔ we kun, Lawa a kion kɛ nɛ.

¹⁶Lawa, toa bɔ̀n maa zɔ́ɔn kɛn yɛ. Toa ǹ gisĩ geren piɛ, ǹ yii n koo, a giala, baraabaa nə́ ǹ gɔ́ɔ̃ pã.

¹⁷Masɛ n lɛ diɛ Lawa la, a da n dɔ ma lɛ. Dɛnaa Lawa á re ma kirisibiɛ.

¹⁸Wasamiɛ̃nɛ, baayɛlɛ ka penleen ne, bɛ̀ ma yiri nə́ n lɔlɔkɔn, má n busu ǹ boo diɛ, Lawa ma lɛ ma.

¹⁹Á ma si sii la, á ma tamaa là nyantoro gɔ́ɔ̃ nɛ, bɛ̀ zɔ́ɔn bɛ́ ma gialaa.

²⁰Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

²¹Maa lɛlɛ a dàã kɛ lɛ nə́ n bɔyaa a giaáran li. Á lɛ kɔ kɔn la kɛ lɛ ziziɛ̃ wɔ biin ni.

²²A lɛ gɔ́ɔ̃ ǹ boo n parɛparɛ ka zoo ne, sɛnɛ, zia na a gɔ́ɔ̃ nɛ. A boon lɛn man suusuu, ǹ nə́ la nyɔɔ nɛ, sɛnɛ, minin fɔ ǹ gɔyan manɛ.

²³N taasiɛ siin tumaa kɔ Dɛnaa Lawa la. Á re pàã koe n la. A re toɛ min pepere lɛ tatalaa duduu wa.

²⁴Lawa! N din tá re toɛ minin kɛn nə gã, ǹ wo yala-n. Ǹsɛn kɛn lɛn gɛ̀ dii, ǹ nə́ minin yiri siɛ̃. Ǹ yii ba re goɛ̃ koo, ǹ nə ǹ lɛawaan talɛɛ din bɔ wa. Sɛnɛ, masɛ foo n doa nɛ n din ganaa, Dɛnaa Lawa.