Read Samo, Southern Loe 6 Bible Online

Loe 6 - Samo, Southern bible

Loe 6

¹Loe-saalin goledɛnaa loe mɛn lɔ, tùtu nɛ kiwisidɛnaa wuu li. Davida a loe.

² Dɛnaa Lawa, ta n foo yoo, n baran ma kũ ma zɛ̀rɛ li wa, ta n foo busu, n baran dɔlɔ bɔ ma-a wa.

³Makara bɔ ma-a, Dɛnaa Lawa, ma pàã á ke nyɛɛ. Ma kirisibaa, Dɛnaa Lawa, ma gɔ̀nɔn tumaa á ke bìn diɛ.

⁴Ma gù kɔn ba doɛ doo wa. Ee Dɛnaa Lawa! Yǎa biĩ kəni?

⁵Wusoo n daa, Dɛnaa Lawa, n ma kanbaa, n bǐɛ̃baa gole kɛ a lɛa, n ma kirisibaa.

⁶A giala geren yiri ba goɛ̃ n nɛ wa. Die n die barka diɛ n nɛ geren piɛ?

⁷Ginii n die ma pàã nyɛɛ. Bɛ̀ wɔlɔ tii lɔn, ma yii mu n maa piì basɛ̃, ma yii mu n ka a maa waa ǹ piì mui.

⁸ Yɔrɔ-kɔsiɛ ma yii nànan bii, ma yii din ba wɔlɔ yii doo wa. Maa zɔ́ɔn nə́ la yii ni.

⁹Ka n zɔ̃ ka n bɔ ma li, ka sii baraa-zɛnaalin lɛn tumaa. A giala, Dɛnaa Lawa maa wuu lɛ ma.

¹⁰Dɛnaa Lawa maa gòã-kũ ma, á re maa nyankɔ sii.

¹¹Toa sìi laanka gɔ̀nɔn bìn diɛ maa zɔ́ɔn lɛn tumaa kũ, ǹ tumaa tɔwaa, n sìi da ǹ ganaa, ǹ tɔn woo.