Read Samo, Southern Loe 67 Bible Online

Loe 67 - Samo, Southern bible

Loe 67

¹Loe-saalin goledɛnaa loe mɛn lɔ tùtu wuu li.

²Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

³A zɛnaa miɛ̃, ń giɛ, kanaa gɔ́ɔ̃ nɛ, minin tá n dí nya ǹ gɔn doɛ̃. Tɔrɔ kɔsɔn tumaa a minin die n dɔ̃, mà n din lɛ n kirisibaali lɛa.

⁴Lawa, tɔrɔn tumaa die ǹ barka da n nɛ. Tɔrɔn tumaa die ǹ nə n lɛ kaa kun, ǹ barka da n nɛ.

⁵Gánan lɛn minin die ǹ nə n nyɛnyɛɛ, ǹ loe lɔ, a giala, n din lɛ n tɔrɔn mìi la. Kanaa kɛ gɔ́ɔ̃ nɛ, n din nə ǹ nyɛɛnaan boe ka peperebaa nɛ. Doa

⁶Lawa, tɔrɔn tumaa die ǹ barka da n nɛ. Tɔrɔn tumaa die ǹ nə n lɛ kaa kun, ǹ barka da n nɛ.

⁷Tán nə́ màn-kɔsiɛn bǐɛ̃ kɔ. N din lɛ n wɔa Lawa lɛa, ń barka da wɔ-a.

⁸Lawa lɛ die a barka da wɔ-a miɛ̃, ń giɛ, ǹ tá nyɛ́ɛ biɛ a yii ni, kanaa paǹ din tumaa nɛ.