Read Samo, Southern Loe 70 Bible Online

Loe 70 - Samo, Southern bible

Loe 70

¹Loe-saalin goledɛnaa loe mɛn lɔ. Davida a loe goon ne. Yiri koa sii li ǹ wɔ nɛ.

² Lawa, da ma si sii la. Dɛnaa Lawa, da n dɔ ma lɛ fufuu.

³Min mɛnɛn bɛ́ giɛ maa gɛ̀ li, toa sìi babaraa bɛn kũ. Min mɛnɛn bɛ́ giɛ li, mà sii baraa ma yɛ, toa bɛn nə puusə-kɔ yɛ, ǹ wusoo ǹ kio ne.

⁴Min mɛnɛn bɛ́ bɔ̀n yaa we ma ganaa, toa sìi bɛn kũ, ǹ wusoo ǹ kio ne.

⁵Sɛnɛ, min mɛnɛn tumaa bɛ́ giɛ nsɛ Lawa li, toa bɛn foo kɔɔ̃n kɔ parsiini, n din a lɛa. Min mɛnɛn bɛ́ n kirisibaa lɛ narɛ, bɛn nə boo la, ǹ pɛ biikoo tumaa li, mà Lawa á gole.

⁶Masɛ n doobaa laanka nɔmaa-wɔle lɛa, Lawa, da ma li fufuu! N din nə maa dɔmalɛ wole lɛa, n nə́ ma sii sii la. Dɛnaa Lawa, n baran n nyɔnyɔɔ doo wa.