Read Samo, Southern Loe 8 Bible Online

Loe 8 - Samo, Southern bible

Loe 8

¹Loe-saalin goledɛnaa loe mɛn lɔ. Ǹ Gaati minin tùtu da loe mɛn li. Davida a loe n ke.

²Dɛnaa Lawa, wɔsɛn Mìinaa, asɛ nɛ, n tɔ golebaa tán tumaa pã! N kii golebaa ǹ loe lon pã á kiɛ̃.

³ Min mɛnɛn bɛ́ kiɛɛrɛ, kiɛɛrɛ ka nɛnyaanan bɛ́ lɔn, bɛn dinin man loe loe lɛa[7], ǹ tá sìi diɛ n zɔ́ɔn ganaa, ń giɛ min mɛnɛn bɛ́ yɔ boe n ganaa bɛn baran boo da ǹ bǎã yɛ doo wa.

⁴Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

⁵ minbuiin nɛ n wàa lɛa kəni, n tɔn nə n yiri koa li? A n wàa lɛa, n tá giɛ a walan?

⁶ Ń ná a kiɛɛrɛ kɔ á la lon a dia dí-a wolen manɛ, ń gugurubaa laanka siĩnbaa kɔ la.

⁷N màn mɛn tumaa zɛnaa, n koa bɛ tumaa mìi la. N màn tumaa da a pàã giulun:

⁸sèren ne, bòen ne ka diin ni, haalɛ ka don mànan dinin ni,

⁹bàanan nɛ ka zɔ̀n nɛ, ka màn mɛn tumaa bɛ́ yìsi mu gole li.

¹⁰Dɛnaa Lawa, wɔsɛn Mìinaa, asɛ nɛ, n tɔ golebaa tán tumaa pã!