Read Samo, Southern Loe 85 Bible Online

Loe 85 - Samo, Southern bible

Loe 85

¹ Loe-saalin goledɛnaa loe mɛn lɔ. Koore a minin loe goon ne.

²Dɛnaa Lawa, ń nə́ n minin-narɛɛ nyaa n gána lɛ nɛ. N din nə Zakɔba a nɛnyaanan bɔ bɛ̀rɛbaa nɛ, ǹ nə́ wusoo, ǹ nə́ daa.

³Ń nə́ n din a zaman lɛ a sã ǹ sii nya, ń pìi kɔ a sii baraan tumaa lɛ.

⁴Ń nə́ n yoo wɔ gialaa kɛ lɛ doa, ń nə́ n foo-yoo baraa kɛ lɛ goa.

⁵Wusoo n nə n yɔrɔ da wɔ la, n wɔ kũ doɛ̃, wɔ kirisibaali Lawa, n foo baran busu wɔ li doo wa.

⁶N foo die busi wɔ li miɛ̃ biikoo tumaa li, n foo n yoo-n wɔ li yǎa duduu?

⁷Wɔsɛn mɛnɛn bɛ́ n din a zaman lɛa, n ba re wusii n nyin kɔ wɔ la, wɔ boo la wɔ n nyɛnyɛɛ n din a sii gɔ́ɔ̃-n wa?

⁸Dɛnaa Lawa, n kɔn-narɛɛ gole kɛ nyaa wɔ nɛ, wɔ yɛ, n din nə wɔ kirisibaa.

⁹Dɛnaa Lawa bɛ́ màn mɛn diɛ, ma nə n too koe bɛ li. A nə n lɛ koe, mà là nyantoro na a din a zaman laanka a din lɛ-silin wɔ lɛa. Sɛnɛ, yǎa ǹ baran wusoo, ǹ tɔ wɔ ǹ baãnaabaa gɔ́ɔ̃-n wa.

¹⁰Min mɛnɛn bɛ́ nyɛ́ɛ biɛ nɛ, a kirisibaa lɛ n kunu bɛn ganaa, gugurubaa dɔ n die goɛ̃ wɔa gána lɛ gɔ́ɔ̃ nɛ.

¹¹Kɔn-narɛɛ gole laanka bǐɛ̃ duduu kaa kɔn lɛ, ǹ nə́ n sɔɔ kɔn nɛ, ka là nyantoro laanka peperebaa nɛ.

¹²Sonbore n boe tán, peperebaa dɔ n boe lon.

¹³Dɛnaa Lawa dinmaa n barka diɛ min ganaa, wɔsɛn tán dɔ na a màn-kɔsiɛ bǐɛ̃ koe.

¹⁴Peperebaa n tɔ we a din nyɛɛnɛ, a n zii boe a gòã li.