Read Samo, Southern Loe 91 Bible Online

Loe 91 - Samo, Southern bible

Loe 91

¹Min mɛn a duru ǹ bǎã bɛ́ Lon a Lawa Gole li, a ń kiɛ Lawa Pàãyiidɛnaa yele,

²bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

³A din nə n kirisibiɛ kan-koali a kan ganaa, ka busun kɛn nɛ minin dii.

⁴Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

⁵N ba re nyɛ́ɛ biɛ màn kɔn nyɛɛn wa: Tèlò a nyɛ́ɛ da ǹ sii kakan kɛn, kiɛ kaã ke ǹ tá boe lɛawaa gɔ́ɔ̃ nɛ.

⁶Piɛ̃ busu ke n bibiĩ wɔlɔ tì li, bɔ̀n da ǹ sii mɛn bɛ́ basaã koe penleen tiɛɛ̃n nɛ, n ba re nyɛ́ɛ biɛ bɛ kɔn nɛ wa.

⁷Haalɛ ta min duu goon nə boe kiɛ n li, ta min duu fù n boe kiɛ n paǹ li, nsɛ, màn kɔn ba re doe n ganaa wa.

⁸N yii bũ kooro n ga, Lawa bɛ́ min baraan kɛn sarɛɛ lɔn, n tá re yii.

⁹Sonbore ne, bɛ̀ n Dɛnaa Lawa baa n duru ǹ bǎã lɛa, bɛ̀ n nə n foo doa Lon a Lawa Gole ganaa,

¹⁰bɔ̀n ba re n yii wa, sii baraa kɔn ba re we n kion wa.

¹¹ A giala, á re pii a lon a dia dí-a wolen manɛ, mà ǹ nə n tamaa bǎã tumaa nɛ.

¹² Ǹ tá re n gɔn koɛ n li ǹ nə n yo, ń giɛ n baran n gòã na kɔlɔ ganaa wa.

¹³ N tá re tɔ we yàra laanka kɔrɔkan la, n tá re tɔrɛ goe laanka miɛ̃ la.

¹⁴Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

¹⁵Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

¹⁶Ma á re nyin sasa koe la a dɔ a yii li. Ma á re a kirisibiɛ a yɛ.