Read Samo, Southern Loe 93 Bible Online

Loe 93 - Samo, Southern bible

Loe 93

¹Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

²Dɛnaa Lawa, n kiibaa lɛ giala n we-n haalɛ lɛlɛ-lɛlɛ. N dinmaa dɔ nə n tan, biikoo ná a ba la wa.

³Tà mun nə́ bìn da lɛlɛ, Dɛnaa Lawa. Ǹ nə́ kàã bɔ, ǹ nə́ bìn da, ǹ nə́ bìn da gugugu.

⁴Dɛnaa Lawa lɛ lon, a din lɛ n màn tumaa mìi la. Á gole á la mu dadaran wuu ni, á la yìsi mu a daa laanka a wo ka pàã-n kɛ tumaa nɛ.

⁵Dɛnaa Lawa, n din a dí-pɛn lɛn ba n bɔyɛɛ wa. N din a kion lɛ n bǎã sonbore lɛa, yǎa duduu.