Read Samo, Southern Loe 97 Bible Online

Loe 97 - Samo, Southern bible

Loe 97

¹Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

²Baran laanka wɔlɔ tì biribiri na a lɛnpɛnɛɛ. A kiibaa lɛ giala n we-n peperebaa laanka a dí-pɛn tamaa la.

³Tɛ n tɔ we a nyɛɛnɛ, a na a zɔ́ɔn tiɛ̃ paǹ tumaa li.

⁴A din a tɛ-pɛn man wɔlɔ fúlu boe kanaa lɛ nɛ. Minin man bɛn lɛn yii, ǹ tá bìn diɛ.

⁵Kelen man yoe ka nyɔɔ bɛ́ lɔn, Dɛnaa Lawa yɔrɔ-a, kanaa tumaa a Dɛnaa lɛ yɔrɔ-a.

⁶Lon nə nyɛɛ, mà Lawa lɛ á pepere. Tɔrɔn tumaa ná a gugurubaa yɛ.

⁷Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

⁸Zeruzalɛmu kiwi bɛ́ á bɛ ma, a foo kɔɔ̃n kɔ, Zudaa gána a kiwin kɛn nə́ bɛ̀ baa ka foo kɔɔ̃n nɛ, n din a sii yɔrɔ-bɔn kɛn taman yii, Dɛnaa Lawa.

⁹Sonbore, Dɛnaa Lawa, n din lɛ n Lon a Lawa gole lɛa, kanaa kɛ lɛ mìi la. N din nə guguru kɔ ǹ mànan kɛn tumaa lalan.

¹⁰Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

¹¹Lawa a bǐɛ̃baa n yui, min pepere a lɛa, ka tɛ fúlu bɛ́ lɔn, bɛ n nyɛnyɛɛ koe gɔ́ɔ̃ fudɛnan la.

¹²Min peperen lɛn, ka n nyɛnyɛɛ Dɛnaa Lawa lɛ taman yii, ka a gugurukɔ, bɛ̀ ka tá a siĩnbaa lɛ pii.