Read Samo, Southern Loe 99 Bible Online

Loe 99 - Samo, Southern bible

Loe 99

¹ Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

²Dɛnaa Lawa lɛ n gole Zeruzalɛmu kiwi. A din nə tɔrɔn tumaa mìi la.

³Min tumaa die a n tɔ bɔ, n tɔ gole ke, nyɛ́ɛ diɛ. Sonbore, n tá siĩni.

⁴Pàã tá n lon koe! Nsɛ lɛ, kii lɛa, n nə́ sii pepere narɛ[59]. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

⁵Ka wɔsɛn Dɛnaa Lawa kɛ a golebaa pɛ, ka kaa tán, a gòãn kaa ǹ yoron kɛ li. Sonbore, Dɛnaa Lawa lɛ á siĩni.

⁶Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

⁷ A na á goã boo diɛ ǹ nɛ tɛmaa bara kɛ bii. Ǹ dɔn ná a wɔ a daraan lɛn tamaa, ka dí-pɛn kɛn nɛ, á kɔ ǹ la.

⁸Wɔsɛn Dɛnaa Lawa, n dinmaa nə n goã ǹ lɛ sii. Ń goã Lawa sii simaa wole lɛa ǹ wɔ paǹ li. Sɛnɛ, ń nə́ ǹ sãn kɛn sɛn dɔlɔ bɔ ǹ ganaa.

⁹ Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.