Read Samo, Southern BLS 6 Bible Online

BLS 6 - Samo, Southern bible

BLS 6

¹Má koe sii goon yɛ kanaa kɛ nɛ, á guguru minin mìi ni.

²Min nə ke, Lawa naforo kɔ la, ka gɔn màn laanka yii gugurubaa nɛ. Màn woo màn sii tá a ganaa, bɛ kɔn wɛɛ̃ ba a ganaa wa. Sɛnɛ, Lawa na a bii ǹ lɛ kɔ la wa, a giala min kɔsɔ n die bii. Bɛ dɔ giala banban, a n koe sii kaka lɛa.

³Ta min na á nɛgiĩ paabiɛ yɛ, á lɛ̀ gigiã yɛ kanaa, ta a lɛ̀ lɛ n mɔnaa-n lɔn, bɛ̀ a yii-nyɛɛ yɛ wa, ka bɛ dɔ nɛ, bɛ̀ a bĩ ǹ yala yɛ wa, man pii máa nɛ mɛn bɛ́ á yɛ gere lɛa, máa bɛ á soɛ nɛ.

⁴A giala, bɛa nɛ gere kɛ lɛ na á daa kooro, a n woe wɔlɔ tì li, a boo na á nya.

⁵Ka bɛ dɔ nɛ, a yii wasa yɛ wa, a dɔ̃ wa. Susui tá a lon á la goon kɛ lɛ nɛ.

⁶Ta goon kɛ lɛ din na á nyin sasa yɛ, á woo n timəə lɛ̀ duu goon la gunyin paa, a yii-nyɛɛ yii wa. Táa ǹ tumaa a woo ǹ bǎã n goon?

⁷Minbuiin nɛ a dí na a lɛ wɔ lɛa, sɛnɛ, a foo dɔ a nyɛɛ wa.

⁸Sonbore, sii-dɔ̃li paǹ mɛn nə soɛ baãnaa nɛ? Doobaa mɛn bɛ́ tɔ we doɛ̃ minin yɔrɔ-a, bɛ dɔ wɔ paǹ mɛn nə soɛ?

⁹Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.

¹⁰Màn mɛn bɛ́ a tan, tɔ nə́ n wɔ bɛ-a gɔrɔ. Minbuiin nɛ bɛ́ màn mɛn lɛa, wɔ́ á doɛ̃. Sɛnɛ, bɛ̀ min mɛn pàã la nɛ, a ba bɛ lɛ kara yiɛ wa.

¹¹Bɛ̀ boo tá mɔnaa nɛ, a n die ka sii kooro gigiã nɛ. Minbuiin nɛ a wàa là n bɛ nɛ?

¹²A minbuiin nɛ toa a yii ń koo, a bɛ́ lɛawaan mɛnɛn zɛnɛɛ kanaa, yii ná a doe ǹ gɔ́ɔ̃-n wa, bɛn man kiɛ̃ fufuu ka wúlu bɛ́ lɔn. Bɛa lɛawaan lɛn gɔ́ɔ̃ nɛ, màn mɛn bɛ́ siĩn minbuiin nɛ wɔ lɛa, die n bɛ doɛ̃? Sii mɛn bɛ́ re minbuiin nɛ yii a kanaa toa kio, die n boe la a bɛ pɛ nɛ?