Read Samo, Southern LKK 2 Bible Online

LKK 2 - Samo, Southern bible

LKK 2

¹Masɛ n nyankɔrɔ lɛ kɛ a da buũ kooro lɛa, man nyankɔrɔ basa kɛ a da buũ kooro lɛa.

²Da buũ bɛ́ siĩni, á la nyɛn nɛ lɔn, maa paa ǹ wɔ lɛ dɔ n siĩn miɛ̃, á la nɛniɛ gialakunun kɛn manɛ.

³Ka da bɛ́ lɔn, a nɛ n kɔɔ̃nɛ á la ǹ miãn wɔ nɛ, ma din foo dùũ wɔ lɛ dɔ n soɛ tɔntɔraa gialakunun kɛn man miɛ̃. A wúlu a giã á kɔɔ̃n ma ganaa, a nɛ kɔɔ̃n kɛ dɔ á kɔɔ̃n ma lɛ-n.

⁴Á woo ma nɛ là nyɛɛ ǹ bǎã nɛ, á ná a kɔn-narɛɛ kuməə ma ganaa.

⁵Ka bǐɛ̃ kɔ ma-a ka *rezɛ̃ da nɛ nɛ, ka ma yii dɔraa ka da nɛ nɛ, a giala kɔn-narɛɛ na á busu baa ma ganaa.

⁶Ma mìi na a gɔsɛ a gɔn la, a nə́ n gusin talɛɛ ma-a.[2]

⁷Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuunun tɔ nɛ. Ka baran bũ wa, ka baran ma din foo dùũ wɔ kɛ yii kaa, bɛ̀ a ná a tɔn dɔ a din wɔ lɛ-a wa.

⁸Ma din foo dùũ wɔ lɛ lɛ á boe! Á ke yii die! A n pipiɛ̃ kelen la, paparɛ tentenen la,

⁹ka n pɛ mà woree hinlaa yuùn ten ne. Á ke, á n zɔ̃ á golee wɔa kikio. A n giɛ ka fenɛtərə ne, a nə n yii koe ka fenɛtərə kokoon ne.

¹⁰Ma din foo dùũ wɔ lɛ lɛ dia ma la, á pɛ ma-n kɛnɛn: «Yoo n daa, maa paa ǹ wɔ, maa paa ǹ wɔ siĩni, yoo n da kiɛ̃.

¹¹Ga, la nə́ n lɛ kũ, bɔ̀nɔn nə́ n dɔ̀ɔ̃ kɔ.

¹²Gána lɛ nɛ, dan man buũ lɛa tuutuu. Màn tumaa a loe lɔ biikoo ne. Wuruun lɛ á boe wɔa gána lɛ nɛ.

¹³Gɔ́rɔ nɛ burun tá a gialaa miɛ. Rezɛ̃ dan man buũ lɛa, ǹ gìĩ kɔɔ̃n kɛ nə́ n diɛ wɔlɔ la. Maa paa ǹ wɔ siĩni, yoo n da kiɛ̃.

¹⁴Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

¹⁵Ka tolokan kɛn kũ ka ǹ kɔ, toloka bisinin kɛn lɛn, basaã koe rezɛ̃ dan manɛ. A giala wɔa rezɛ̃ da lɛ n buu lɛa.

¹⁶Ma din foo dùũ wɔ lɛ n maa wɔ lɛa, ma dɔ na a dɔ wɔ lɛa. Da buũ bǎã n kɔɔ̃n a ganaa.

¹⁷Ma din foo dùũ wɔ, wɔlɔ á pii mà a n fúli, mà lɛ̀ n woe wɛɛ, n bɔyaa n wo sɔnsɔn, ka woree hinlaa yuùn ten bɛ́ lɔn, baa sii Betɛɛrɛ[3] kelen la.