Read Samo, Southern LKK 4 Bible Online

LKK 4 - Samo, Southern bible

LKK 4

¹N tá siĩn dɛ, maa paa ǹ wɔ, n tá siĩn dɛ! N mɔnaa ke n yɔrɔ lɛ, n yii nànan gamaa á kɔɔ̃n bɛ nɛ, maǹ siĩni ka zɛrɛkantoanan bɛ́ lɔn. N mìi ka n tì kɔnɔnɔ, ka bòe tìtì kuru n gisĩ Galaati tenten la.

²N sɔn man fufu ka wɔba, ka maǹ nə́ sèren ka kukuru sisia, ǹ nə́ wusoo ǹ nə́ ǹ pii. Ǹ nə́ kɔn yɛ tɛmɛtɛmɛ, màn sã ǹ miã-a wa.

³N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

⁴N wìi n siĩni ka Davida a sanabolo kɛ bɛ́ lɔn. N bɔlɔ-a ǹ gii kɛn man a ganaa ka góoro gigiã bɛ́ lɔn. N bɔlɔ-a ǹ gii n zɔɔzaa, n bɔlɔ ganaa, ka zia-baali zanbian ǹ góoro ne.

⁵N nyɔ màn paa ke, bɛn man ka yuùn nɛ màn paa nɛ, ǹ dan nə́ ǹ yɛ bɛlɛmanan lɛa, maǹ buu soɛ̃ da buũ bǎã nɛ.

⁶Wɔlɔ laan bɛ̀ a n fúli, mà lɛ̀ n woe wɛɛ, man die woe n *miíri nyɔɔ gìĩ kɔɔ̃n kelen kɛn la.

⁷Maa paa ǹ wɔ, n siĩnbaa lɛ pã. Haalɛ wɔ̀lɔ̀ boɛɛnɛ, a ba n-a wa.

⁸Da kiɛ̃, maa paa ǹ wɔ, n bɔ Liban kelen kɛn li, n da kun ma nɛ. Gisĩ n nə n bɔ Amanaa kele kɛ baã bii, n bɔ Seniiri kele kɛ laanka Ɛrmɔn kele kɛ baã bii. Bɛa bǎã kɛ lɛ, yàran giã ǹ bǎã nɛ, bɛa kele yii kɛ lɛ, gòen bǎã nɛ.

⁹Miãnɛn, maa nɛniɛ, n sii n ka a gàã yoo ma li. N ga ma-a gunyin goon din ni, a n ka a gàã yoo ma li. N nyaǹ mànan kɛn n bɔlɔ-a, bɛn goon dinsɔɔ̃ n ka a gàã yoo ma li.

¹⁰Miãnɛn, maa nɛniɛ, n kɔn-narɛɛ á kɔɔ̃nɛ á la yii ni, n sɔɔ min ni á kɔɔ̃nɛ á la duvɛ̃ nɛ. N nyɔɔ gìĩ á kɔɔ̃nɛ, á la nyɔɔ gìĩ kɔɔ̃n tumaa nɛ.

¹¹Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

¹²Miãnɛn, maa nɛniɛ, ma n dù gɔrɔ lɛa, a lɛ n tiɛ̃-n. Ma n mu yala lɛa, a lɛ n tiɛ̃-n. Ma n tù lɛa, koa nɛ ma dinsɔɔ̃ wɔ lɛa.

¹³Ma n dù gɔrɔ sonbore lɛa, piɛ̃-n ka grenadie da nɛ, ka da nɛ kɔɔ̃n kɔɔ̃n nɛ. Gɛ̀-bi da tan, naare da nɛ,

¹⁴safrɔn da laanka kanɛli da nɛ, da nɛ, ka da gìĩ kɔɔ̃n tɔrɔ tumaa nɛ. Dagòã gìĩ kɔɔ̃n laanka aloɛsi da dɔ tan, ka dan mɛnɛn gìĩ bɛ́ kɔɔ̃nɛ a tɔ-a.

¹⁵Dù gɔrɔ lɛ a mu yala tan, a tù a mu zii tá n toɛ Liban, baa sii die.

¹⁶Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.