Read Samo, Southern LKK 6 Bible Online

LKK 6 - Samo, Southern bible

LKK 6

¹Ebe! Nsɛ kɛ lɛ siĩn lɔn tumaa bii, n foo dùũ wɔ lɛ na á woo maa? A na á n yɔrɔ dia maa, wɔ ga li kunun n ni.

²Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

³Man ma din foo dùũ wɔ lɛ wɔ lɛa, ma din foo dùũ wɔ lɛ n ma dɔ wɔ lɛa, a na á woo tɔɔn lɛduə̃ da buũ bǎãn nɛ.

⁴Maa paa ǹ wɔ, n tá siĩni ka Tirsaa kiwi ni, n tá kiɛ yii ni ka Zeruzalɛmu kiwi ni. Yii á boe n li á la yii ni.

⁵N yii saa n bɔ ma la, a giala, n gamaa lɛ n ma yiri sii ma la. N mìi ka n tì kɔnɔnɔ, ka bòe tìtì kuru n gisĩ Galaati tenten la.

⁶N sɔn man fufu ka wɔba, ka maǹ nə́ sèren ka kukuru sisia, ǹ nə́ wusoo ǹ nə́ ǹ pii. Ǹ nə́ kɔn yɛ tɛmɛtɛmɛ, màn sã ǹ miã-a wa.

⁷N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

⁸Lɔ pɔsɔrɔ á boe la a goã kii lɛ lon dinin, a lɔ kɔsɔn dɔn nə dɔ pɔkiwisi, a nɛnɛn nə́ n ba n nimii wa.

⁹Sɛnɛ ma yii li, lɔ lɛ n goon toto kanaa, bɛ n ka maa kɔnbɔlɔn kɛ nɛ, bɛ n ka maa yii màn kɛ nɛ. A din nə ǹ dan a nɛlɔ lɛa, a sii n kɔɔ̃nɛ a yɛ ǹ dan lɛ-a. Bɛ̀ nɛlɔ kɔsɔn nə́ yɛ ǹ yɔrɔ-a, mà asɛ wɔ bǐɛ̃ kɔ! Kii a kɔn wɔ ǹ lɔn nɛ, ka a lɔ kɔsɔn nɛ, bɛn maǹ na a laakalɛɛ kɛnɛn:

¹⁰«Lɔ siĩn mɛn nə ke? A n tɛ pii ka baayɛlɛ a leere bɛ́ lɔn, siĩni ka mui bɛ́ lɔn, tɛ pii ka wasa bɛ́ lɔn, min yii ń boe li á la yii ni.»

¹¹Dù gɔrɔ ke, da nɛ-kɔlen ná a nɛ, man má woo walan, ma ń giɛ, dan bɔ tán ganaa nyankɔrɔ lɛ kɛ nɛ. Ma ń giɛ, bɛ̀ *rezɛ̃ da fɔ̃, bɛ̀ grenadie da dɔ buũ kɔ.

¹²Ma ba ma din gɔn doo wa, sii lɛ din nə ma là kakaɛ̃. Ma laan bɛ̀ man doɛ̃, bɛ̀ ma bɛ́ ma tɔrɔn kɛn kii wotoro la.