Read Samo, Southern Iza 20 Bible Online

Iza 20 - Samo, Southern bible

Iza 20

¹Kɛ na á kɔnpɛ bɛ̀ Asiiriin kii Sargɔn ná a sɔraasin goledɛnaa dia á woo zia baa Asidɔdi ganaa Filisiti gána nɛ. Sɔraasin goledɛnaa lɛ yoo kiwi lɛ gialaa á kũ.

²Bɛa waáraa lɛ nɛ, Dɛnaa Lawa pɛ Amɔsi a nɛgiĩ Izayii-n kɛnɛn: «Gɛ̀ koa ǹ mɔnaa ke n binbin ni ka n gòãn ganaa ǹ kɔsɔnɔn kɛn nɛ, bɛn waa n nə ǹ bɔ n ganaa.» Izayii lɛ kɔ, á n gɔ̀nɔn kooro da, á tɔ wɔ a gòã kooro ne.

³Dɛnaa Lawa tɔn pɛ kəni: «A lɛ̀ sɔɔ n ka kɛ nɛ maa dí-nyali Izayii tá n bibiĩ a gɔ̀nɔn laanka a gòã kooro ne. Bɛ n sii a kɔnboe ka gɔn waa lɛa, Ezipti gána laanka Etiopii gána wɔ lɛa.

⁴Asiiriin kii á re Ezipti minin biɛ bɛ̀rɛn lɛa, a Etiopii minin goa a wo ǹ ne. A n die woe ǹ ne, nɛ tenən laanka min zizin ni, ǹ gɔ̀nɔn laanka ǹ gòã kooromaa, ǹ tontoro n diɛ nɛ. Bɛ á re sìi biɛ Ezipti minin ganaa.

⁵Min mɛnɛn nə n foo doa Etiopii gána ganaa, hinlaa ǹ nə́ n dinin gole koe Ezipti a dɔmalɛn taman yii, nyɛ́ɛ á re bɛn kuĩ, sìi nə ǹ wɔ baa.»

⁶Bɛa pinaa kɛ nɛ, min mɛnɛn bɛ́ giã-n Yìsi mu gole lɛkoro lɛ-a, bɛn tá re pii: «Wɔ foo bɛ́ doa-n min mɛnɛn ganaa, sii mɛn bɛ́ bɛn yii, bɛ n ka kɛ nɛ! Wɔ n wɔ́ goã wáa wɔ n duru ǹ li, ǹ nə n dɔ wɔ lɛ, ǹ wɔ si Asiiriin kii la. Sɛnɛ, wɔ n die siɛ lɔn wɔ kirisibaa sisia kəni?»