Read Samo, Southern Iza 23 Bible Online

Iza 23 - Samo, Southern bible

Iza 23

¹ Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

²Kasɛn mɛnɛn bɛ́ giã-n yìsi mu lɛ koro lɛ-a, ka gɛ̀ loe lɔ, kasɛn Sidɔn a pii-kɔlen lɛn, ka n dia dí-a wolen diɛ Yìsi mu gole bii.

³Ǹ bɛ́ màn mɛn diɛ Niili tà lɛ-a, ǹ bɛ́ màn mɛn kuri a lɛ-a, bɛ lɛ na á goã Sidɔn a naforo lɛa. Sidɔn na á goã tɔrɔn pii kɔ ǹ bǎã lɛa.

⁴Sidɔn, nsɛ mɛn bɛ́ Yìsi mu gole pàã lɛa n wɔ n ka sìi ni: «Ma nɔɔrɔ kɔ wa. Ma nɛ yɛ wa. Ma nɛginin too wa, hinlaa nɛlɔ gole kɔ ma gɔn wa.»

⁵Bɛ̀ Ezipti boon kɛn ma, a gɔ̀nɔn tá re bìn diɛ ka a bɛ́ á boo mɛn ma Tiiri a paǹ li lɔn.

⁶Ka yìsi mu wɔsɔ yǎa Tarsiisi. Kasɛn kɛn giã-n yìsi mu lɛkoro lɛ-a, ka gɛ̀ loe lɔ.

⁷Lɛlɛ lɛlɛ, ka dinin kiwi lɛ bie á goã a foo n kɔɔ̃nɛ, a n minin diɛ bǎã sɔsɔɔ nɛ, bɛ̀ ǹ wo pii kɔ ǹ kionən doa wa?

⁸Tiiri kiwi na á goã kii bafolon gii. A pii-kɔlen man kii nɛn lɛa. Maǹ nə́ goã kanaa a min dadaran lɛa. Die n zoɛ̃ kiwi lɛ a ziziɛ̃ li?

⁹Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

¹⁰Tiiri, tán kɔsɔ ka Niili tà lɛ-a minin bɛ́ lɔn, a giala, bǎã sɔsɔɔ zii tɔ wɔ mu la ǹ goon golee ǹ bǎã banban doo wa.

¹¹Dɛnaa Lawa na á n gɔn waa yìsi mu ni, á bìn da gánan ganaa, Kanaan kiwin mɛnɛn bɛ́ tamaa nɛ, á zii kɔ mà ǹ bɛn ziziɛ̃.

¹²Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

¹³N yiri kɔ ka *Baabilonii minin gána nɛ: Bɛa minin lɛn banban doo wa. Asiirii na á bɔyaa á baa don mànan bǎã lɛa. Asiirii minin nə́ wɔlɔ lɛduə̃ ǹ bǎãn dɔ. Ǹ nə́ ǹ kii kionən ziziɛ̃, ǹ nə́ ǹ baa kɛbɔlɔn lɛa.

¹⁴Bǎã sɔsɔɔ zii tɔ wɔ mu la ǹ goon, ka gɛ̀ loen lɔ. A giala, kaa mìi duru ǹ bǎã ziziɛ̃.»

¹⁵Ka bɛ nɛ, yiri á re boe Tiiri kiwi ni lɛ̀ pɔsɔbaa. Bɛ n kɔnpii ka kii a yiikoonaabaa nɛ. Bɛa lɛ̀ pɔsɔbaa lɛ a giala nyɔmɔɔ waáraa, màn mɛn nə́ lɔ kɔrɔ-baali yɛ loe kɛ gɔ́ɔ̃ nɛ, bɛ lɛ n die Tiiri yii:

¹⁶Lɔ kɔrɔ-baali, nsɛ mɛn bɛ́ yiri bɔ n nɛ, kɔnkoɛɛ̃ saa, n kiwi lɛnpɛnɛ. A dɛ n parsiini, n loe gigiã lɔ, màn mɛn bɛ́ toɛ minin yiri gisĩ n ni!

¹⁷Kànaa ka lɛ̀ pɔsɔbaa (70), Dɛnaa Lawa á re sii zɛnɛɛ Tiiri kiwi ni. Wɔrɔ á re wusii a yɛ gána lɛ nɛ. A n die pii koe ka kanaa a gánan tumaa nɛ.

¹⁸Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.