Read Samo, Southern Eze 15 Bible Online

Eze 15 - Samo, Southern bible

Eze 15

¹Dɛnaa Lawa boo da ma nɛ á pɛ:

²«Minbuiin a nɛ, wàa mɛn nə nyɛɛ mà rezɛ̃ da[9] kɛa gɔn tá soɛ gɔn gialakunun kɛn manɛ? Wàa mɛn nə nyɛɛ mà a gùrùn tá soɛ dan kɛn wɔ nɛ daã gòã li?

³Ǹ tá a gɔn kuri bɛ̀ ǹ màn zɛnaa-n ya? Ǹ tá gɔn kara-a kuri a ganaa, bɛ̀ ǹ màn lɔɔ a ganaa ya?

⁴*Rezɛ̃ da a gɔn lɛ á ke ǹ nə́ da tɛ-n: tɛ á ke a ná a lɛwɔn paanan kũ a ná a bii wɔlɔ kũ, á re màn bǐɛ̃ koe doo?

⁵A bɛ́ á goã a din yii lɛa ǹ mɛn waáraa, ǹ goã biɛ màn kɔn lɛa wa. Bɛ̀ tɛ na á dɔ a ganaa á kũ sisia kəni, ǹ tá boe la ǹ màn zɛnaa-n doo?

⁶Bɛ lɛ na á toa masɛ Dɛnaa Lawa á kɛ pii: Man rezɛ̃ da a gɔn tiɛ̃. Bɛ n soɛ ma gɔn á la daã gòã li ǹ dan kɛn gɔn nɛ. Man die Zeruzalɛmu minin dɔn tiɛ̃.

⁷Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.

⁸Gána kɛa minin nə sii baraa mɛn zɛnaa, ǹ nə́ ma bɔlɔ tii, man die a gɔ́ɔ̃ kooro diɛ. Ma din Dɛnaa Lawa a da ǹ boo ne.»