Read Samo, Southern Oz 12 Bible Online

Oz 12 - Samo, Southern bible

Oz 12

¹Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

²Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

³ Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

⁴Á n toa ǹ dan gɔ́ɔ̃ nɛ á ǹ dɔɔ̃n lɛ a bǎã si. A bɛ́ á gole kɔ, á yɔ bɔ kɔn Lawa nɛ.

⁵ Á yɔ bɔ kɔn ka lon a dia dí-a wole goon ne á gɔ̀lɔ̀baa yɛ. Á wuu pɛ, á gòã-kũ wɔ. Á tɔn nə n da Lawa lɛ Betɛli, Lawa tɔn boo da ka wɔ nɛ.

⁶«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

⁷Nsɛ, n tá re wusii n da n Lawa li, toa makara doɛ̃ laanka peperebaa goã n li, n foo doa n Lawa ganaa biikoo tumaa li.

⁸Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

⁹Efrayimu pɛ: Sonbore, má pàãma baa. Má gɔn màn gigiã yɛ. Ma dí mɛn tumaa nya, sii baraa zɛnaa ǹ paǹ kɔn yɛ ma-a wa.

¹⁰ Sɛnɛ, masɛ nə n Dɛnaa Lawa lɛa, a kũ Ezipti gána ganaa. Man die toɛ n wusoo doo n giã mɔnaa kionən ne, ká maa da ka lɛ pinaa kɛ bɛ́ lɔn.

¹¹Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

¹²Bɛ̀ Galaati minin nə́ sii bɔbɔnɛɛ zɛnalin baa, maǹ màn kooron lɛa ma gɔn. Maǹ tɔn wúlun boboe Gilgaali ka dii gɔ̀lɔ̀n nɛ. Ǹ wúlu bɔ ǹ bǎãn kɛn tá re n biɛ ka kɔlɔn bɛ́ lɔn kantian bii ni wuru-n.

¹³ Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

¹⁴ Lawa a boo gii-daali goon barka nɛ, Dɛnaa Lawa Izirayeli bɔ Ezipti gána nɛ á soo ne. Lawa a boo gii-dali goon barka nɛ, a ná a lɛduə̃[6].

¹⁵Efrayimu foo-ziziɛ̃ gole da Lawa ganaa. A mà mɛn yii kaa Dɛnaa Lawa n die bɛ diɛ a din la. A gasɛ mɛn yii wɔ, á re bɛ sarɛɛ la.