Read Samo, Southern Oz 3 Bible Online

Oz 3 - Samo, Southern bible

Oz 3

¹Dɛnaa Lawa pɛ ma nɛ: «Lɔ mɛn a tɔntɔraa bɛ́ a tan, á n din kɔ naarɛbaa la, woo, n bɛ lɛ narɛ doo: Bɛa lɔ lɛ narɛ ka masɛ Dɛnaa Lawa bɛ́ Izirayeli minin kɛn narɛ lɔn. A da yaa, ǹsɛn man dìn guguru koe ǹ nə́ *rezɛ̃ mɔ̀mɔn koe ǹ la, bɛ lɛ n kɔɔ̃nɛ ǹ ganaa.»

²Man má lɔ lɛ pii wɔrɔ fulusooro ka *ɔrzi kilo biɛsii ka posooro (450) ne.

³Má tɔ́n pɛ nɛ: «N yii da ma la lɛawaa damata gɔ́ɔ̃ nɛ, n baran kɔrɔbaa zɛnaa wa, giĩ kɔn dɔ baran n da piì-n wa. Ma dɔ dinmaa-n die zɛnɛɛ miɛ̃ n wɔ paǹ li.»

⁴A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

⁵Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.