Read Samo, Southern Oz 6 Bible Online

Oz 6 - Samo, Southern bible

Oz 6

¹Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

²Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

³Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

⁴Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

⁵Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

⁶Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

⁷Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

⁸Galaati kiwi n min baraan kiwi lɛa, ǹ basa tumaa n mà lɛa kiwi lɛ nɛ.

⁹Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

¹⁰Izirayeli a kion kɛ nɛ, má sii bɔbɔnɛɛn yɛ! Efrayimu tɔrɔn kɛn nə́ kɔrɔbaa zɛnaa walan, bɛ lɛ dɔ n die *gɔ̀ diɛ Izirayeli minin tumaa ganaa.

¹¹Zudaa minin lɛn, manə n yɔrɔ boe die kiri we ka dɔn ganaa, bɛ á zɛnɛɛ, bɛ̀ má maa minin giã ǹ gɔn zizi kɛ kɔ ǹ la.