Read Samo, Southern Zow 3 Bible Online

Zow 3 - Samo, Southern bible

Zow 3

¹ Bɛ kio kəni, ma á re ma yiri koe min tumaa la. Kaa nɛgiĩ laanka kaa nɛlɔn tá re maa boo gii diɛ. Ma á re boo diɛ kaa min gole manɛ ka narɛɛn nɛ, ma á re boo diɛ kaa nɛ tenən manɛ ka sii yɛn nɛ.

²Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

³Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

⁴ Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

⁵ Sɛnɛ, min woo min bɛ́ re Dɛnaa Lawa tɔ bíi, bɛa Dɛnaa á re kirisibiɛ. Min mɛnɛn bɛ́ *Siɔn kele kɛ la, Zeruzalɛmu kiwi ni, ǹsɛn mɛnɛn bɛ́ má ǹ bíi ma á re ǹ kirisibiɛ ka ma pɛ lɔn.