Read Samo, Southern Zak 13 Bible Online

Zak 13 - Samo, Southern bible

Zak 13

¹Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

²Dɛnaa Lawa Pàãyiidɛnaa a da ǹ boo á ke: — Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

³Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

⁴Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

⁵Sɛnɛ, didie á re pii: «Ma bie Lawa a boo gii-dali lɛa wa, man buu-kɔsɔli lɛa. Wurun man ma lon a kũ maa tenmaa waáraa ganaa.»

⁶Bɛ̀ min nɔ̀n da la: «Busulɛ kɛ n wàa lɛa n gɔn tìsì ni?» Á re pii: «Maǹ nə́ kiɛ̃ ma-a maa giaáran piɛ.»

⁷ Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

⁸Dɛnaa Lawa Pàãyiidɛnaa a da ǹ boo á ke: «Gána lɛ a zaman a talɛɛ sɔɔ a talɛɛ paa n die giɛ̃, a talɛɛ goon yii goã koo.

⁹Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»