Read Samo, Southern Kor2 13 Bible Online

Kor2 13 - Samo, Southern bible

Kor2 13

¹ Maa gunyin sɔɔbaa ǹ wɔ n ke, má n die die kaa piɛ. «Sii tumaa n die n yɔrɔ boe ka siére paa hinlaa sɔɔ a boo ne», ka Lawa a sɛ́wɔ bɛ́ á pɛ lɔn.

²Má pɛ ka-n lɛlɛ, maa da ka li paabaa ǹ wɔ li, man wusii pii ka-n pelo doo, má n ma ba ka li wa, máa min mɛnɛn nə sii baraa zɛnaa lɛlɛ, bɛn laanka ka gialakun tumaa nɛ: Bɛ̀ má wusoo má daa, ma a re nyɛ́ɛ biɛ min kɔ́n yii-n wa.

³Ka bɛ́ giɛ *Krita a boo-da masɛ gɔ́ɔ̃-n lɛ giala li, ka á re yii. Krita lɛ a pàãwɛɛnaa lɛa kaa sii gɔ́ɔ̃-n wa, sɛnɛ, a na a pàãdɛnaabaa nyɛɛ ka bii.

⁴Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

⁵Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

⁶A n ma yiri-n máa ka á doɛ̃, mà masɛ á boe la ma màn zɛnaa a nɛ.

⁷Man Lawa nyankoe máa ka nyan sii baraa kɔ́n zɛnaa wa, ma bie bɛa sii-zɛnaa kɛ nyɛɛ maa boo sii la lɛa wa, sɛnɛ, man zoɛ̃ máa ka sii bǐɛ̃ zɛnaa ǹ dí nya, haalɛ ta masɛ a boe sii kɔ́n la ka yii li wa.

⁸A giala, ma a boe la ma màn kɔ́n zɛnaa Lawa a sonbore kɛ ganaa wa, yǎa ma bɛ́ sii mɛn zɛnɛɛ sonbore lɛ a lɛa.

⁹Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

¹⁰Bɛ lɛ n toɛ, ma bɛ́ tɔn sɔsɔɔ ka ganaa, ma á siɛ lɛlɛ má n sɛ́wɔ kɛ diɛ ka la, ń giɛ bɛ̀ má daa ka li biikoo mɛn li, ma nyan sii zɛnaa ka-n ka baraabaa-n wa. Dɛnaa pàã mɛn kɔ ma la, a bie á kɔ ma la, mà ma dɔlɔ bɔ-n ka ganaa wa, sɛnɛ, mà a pàã kɔ ka la.

¹¹Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

¹²Ka dan nɛbaa ǹ fòo da kɔn nɛ sɔnbɔraanɛ. Lawa a sɔmɔn minin tumaa á fòo diɛ ka nɛ.

¹³Dɛnaa Yezu Krita a bǐɛ̃ nɛ, Lawa a minin-narɛɛ nɛ, ka Yiri Fu a minin-doakɔn die ǹ goã ka tumaa li!