Read Samo, Southern Zoz 12 Bible Online

Zoz 12 - Samo, Southern bible

Zoz 12

¹ Kiin mɛnɛn tumaa goã gána lɛ nɛ, Zurdɛ̃ tà kio lɛ̀giala-n, a saa Arnɔn tà lɛ-a ganaa yǎa Ɛrmɔn kele li ka Zurdɛ̃ a nyankɔrɔ lɛ kɛ tumaa nɛ, dia-n woe lɛ̀giala la, Izirayeli minin nə́ bɛa kiin lɛn dɛ, ǹ nə́ ǹ bǎãn si ǹ la. Ǹ kiin mɛnɛn dɛ, bɛn tɔn nə́ ke:

²Sihɔn nɛ, Amɔɔrɔ tɔrɔn kii mɛn goã giã-n Ɛsibɔn kiwi. A na á goã giã-n Arnɔn tà lɛ-a minin kɛn talɛɛ mìi la, a saa Aroɛɛrɛ kiwi ganaa, ka Galaati gána kɛa talɛɛ nɛ yǎa Yabɔki tà lɛ-a. Bɛ lɛ n Amɔn tɔrɔn lɛn gèlè lɛa.

³A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn.

⁴Kii lɛ a goon ne ka Ɔgu ni, Basan kiwi. Refayimu tɔrɔn mɛnɛn nə goã, bɛn min goon ne. A na á goã gia-n Asitarɔti kiwi laanka Edreyii kiwi mìi la.

⁵A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ.

⁶ Dɛnaa Lawa a dí-nyali Muizu laanka Izirayeli minin lɛn nə́ goã ǹ nə́ ǹ dɛ. Dɛnaa Lawa a dí-nyali Muizu na á goã á ǹ bǎãn lɛn kɔ Urubɛn tɔrɔn laanka Gaadi tɔrɔn la ka Manaasee tɔrɔn kɛn talɛɛ la.

⁷Bɛ kio, kiin mɛnɛn nə goã Zurdɛ̃ tà kio lɛ̀nyɛɛnɛ, Zozoe laanka Izirayeli minin lɛn nə́ bɛn dɛ. Ǹ bǎã lɛ na á goã siɛ Baali-Gaadi ganaa Liban a nyankɔrɔ basa kɛ nɛ, yǎa Hakali kele li, kunu Seyiiri kiwi ganaa. Zozoe bɛa bǎãn lɛn gii Izirayeli tɔrɔn lɛn lɛ yii li, á kɔ ǹ la.

⁸A bǎãn mɛnɛn gii ǹ bii, bɛn nə́ ke: kele yii bǎã kɛ nɛ, diə bǎã kɛ nɛ, Zurdɛ̃ a nyankɔrɔ basa kɛ nɛ, kele gòã lasa bǎãn kɛn nɛ, diə gole bǎã kɛ nɛ ka gusin a lɛ̀gɔn la bǎã kɛ nɛ. Ɛti tɔrɔn nɛ, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, Evii tɔrɔn nɛ ka Zebuzu tɔrɔn nɛ, bɛn man nə́ goã giã-n bɛa bǎãn lɛn nɛ.

⁹Ǹ kiwin mɛnɛn kiin dɛ, bɛn nə́ ke: Zerikoo, Ayii kunu Betɛli li,

¹⁰Zeruzalɛmu, Ebrɔn,

¹¹Yarmuti, Lakiisi,

¹²Egulɔn, Gezɛɛrɛ,

¹³Debiiri, Gedɛɛrɛ,

¹⁴Hɔrma, Aradi,

¹⁵Libnaa, Adulaamu,

¹⁶Makedaa, Betɛli,

¹⁷Tapuwa, Hefɛɛrɛ,

¹⁸Afɛki, Lasarɔn,

¹⁹Madɔn, Asɔɔrɔ

²⁰Simrɔn-Merɔnu, Aksafu,

²¹Tanaaki, Megidoo,

²²Kedɛsi, Yanoamu Karmɛli kele li,

²³Dɔɔrɔ ke tenten la, Goyimu ke Galilee gána nɛ

²⁴ka Tirsaa nɛ. Kiin lɛn tumaa a kaa kun na á goã kii pɔsɔɔwengoon.