Read Samo, Southern Zoz 15 Bible Online

Zoz 15 - Samo, Southern bible

Zoz 15

¹Bǎã mɛn dɔ Zudaa tɔrɔn ganaa ǹ tanlɛ yii li, a n woe yǎa Edɔmu kiwi lɛkoro-a Sini diə gole kɛ nɛ, dia-n woe, gusin a lɛ̀gɔn la gɔ́ɔ̃ li.

²Ǹ gusin a lɛ̀gɔn la a gèlè na á goã siɛ yìsi mu kɔ̀ kɛ lɛ doa ǹ bǎã ganaa, a mui bǎã kɛ nɛ, ǹ mɛn yɔrɔ á ke dia-n gusin a lɛ̀gɔn la.

³A n woe yǎa tonən kele kɛ la gusin a lɛ̀gɔn la, a bɔ Sini don, a wusoo a wo Kadɛsi-Barneya a gusin a lɛ̀gɔn la, a bɔ Ekrɔn a wo Adaara kiwi, a n pɛnɛ a bɔ Karkaa kiwi,

⁴a da bɔ Asimɔn, a n nyɔmaa a da Ezipti tà lɛ-a, a wo n doa kɔ̀ gole kɛ ganaa. Ǹ gusin a lɛ̀gɔn la a gèlè n die goɛ̃ ka bɛ nɛ.

⁵Lɛ̀giala li, gèlè na á goã ka yìsi mu kɔ̀ kɛ nɛ, a wo yǎa a laanka Zurdɛ̃ tà a kaa kɔn lɛ ǹ bǎã nɛ. Gɔsɛ a lɛ̀gɔn la a gèlè lɛ dɔ na á goã siɛ tán walan.

⁶A na á goã woe yǎa Bɛti-Ogla kiwi, a da bɔ Bɛti-Arabaa a gɔsɛ a lɛ̀gɔn la, a wusoo a n lɛ dii a wo yǎa Urubɛn a nɛgiĩ Bohanaa a kɔlɔ kɛ li.

⁷Gèlè lɛ na á goã n toɛ Akɔɔrɔ a nyankɔrɔ basa kɛ nɛ, á n woe Debiiri kiwi ganaa. A n wusii a n pɛnɛ a wo Gilgaali gɔsɛ a lɛ̀gɔn la Adumimu kele kɛ yɔrɔ-a, bɛ mɛn bɛ́ tà kɛ a gusin a lɛ̀gɔn la. Gèlè lɛ n boe Ɛn-Semɛsi tà kɛ lɛ-a, a wo n doa Ɛn-Rogeli ganaa.

⁸Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la.

⁹Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni.

¹⁰Gèlè lɛ nə n toɛ Baalaa doo, a n pusu a wo lɛ̀nyɛɛn la, dia-n woe Seyiiri kele kɛ la, a da bɔ daãn kele kɛ wàã li gɔsɛ a lɛ gɔn la, bɛ n ka Kesalɔn nɛ. A n gisĩ a da Bɛti-Semɛsi, a kiɛ̃ a wo Timnaa kiwi.

¹¹Gèlè lɛ n boe Ekrɔn kele lɛ wàã li gɔsɛ a lɛ̀gɔn la, a n pusu a da Sikarɔn kiwi, a da bɔ Baalaa kiwi a kele la, a kiɛ̃ a wo yǎa Yabneyeli, a tɔn wo n doa kɔ̀ gole kɛ ganaa.

¹²A lɛ̀nyɛɛn gɔn la a gèlè n ka kɔ̀ gole lɛ laanka a lɛkoro lɛ-a bǎãn nɛ. Bǎã mɛn nə n kɔ Zudaa tɔrɔn lɛn la, ǹ tanlɛ yii li, bɛ lɛ gèlèn man ka bɛn nɛ, paǹ tumaa li.

¹³ Zozoe bǎã kɔ Zefunee a nɛgiĩ Kalɛbu la Zudaa tɔrɔn lɛn bii ka Dɛnaa Lawa goã á pɛ Zozoe-n lɔn. Ebrɔn kiwi ke ǹ nə́ bíi Arabaa kiwi, a na á bɛ lɛ kɔ la. Arabaa lɛ n Anaaki tɔrɔn kɛn digolo lɛa.

¹⁴Kalɛbu Anaaki tɔrɔn kɛn tanlɛ sɔɔ kɛa minin loo á ǹ bɔ walan: Sesayii a tanlɛ minin manɛ, Ayiman wɔn nɛ ka Talmayii wɔn nɛ. Bɛn man Anaaki tɔrɔn lɛa.

¹⁵Á n toa Ebrɔn, á woo Debiiri minin gialaa. Lɛlɛ, Debiiri kiwi lɛ tɔ na á goã Kiriyati-Sefɛɛrɛ.

¹⁶Kalɛbu tɔ́n pɛ: «Bɛ̀ min mɛn boo Kiriyati-Sefɛɛrɛ kiwi kɛ la á kũ, masɛ tá maa nɛlɔ Aksaa koe bɛa dɛnaa la lɔ lɛa.»

¹⁷Kalɛbu din dɔɔ̃ngiĩ Kenaazi a nɛgiĩ Ɔtniyeli kiwi lɛ kũ. Kalɛbu ná a nɛlɔ Aksaa lɛ kɔ la lɔ lɛa.

¹⁸A din bɛ́ á daa á dɔ lɔn gɔrɔ, a na á Ɔtniyeli sɔmɔ mà a bǎã nyankɔ asɛ di Kalɛbu lon. Aksaa gisĩ á n bɔ a dundun la, ǹ di Kalɛbu nɔ̀n da la mà a n giɛ wàa li?

¹⁹Á ná a lɛ si: «Bǐɛ̃ kɔ ma ganaa, n mu bǎãn kɔnɔn kɔ ma la. A giala, n bǎã mɛn kɔ ma la gusin a lɛ̀gɔn la, bɛa bǎã lɛ á laanɛ.» Mu bǎãn mɛnɛn bɛ́ lon li, ǹ mɛnɛn dɔn bɛ́ tán li, Kalɛbu bɛn kɔ la.

²⁰Bǎã mɛn nə n kɔ Zudaa tɔrɔn lɛn la ǹ kíɛ̃ lɛa, ǹ tanlɛ yii li, a din lɛ n ka kɛ nɛ.

²¹Kiwin mɛnɛn nə goã Zudaa tɔrɔn lɛn bǎã a gusin a lɛ̀gɔn la, dia-n woe Edɔmu gèlè la, bɛn man ka kɛn nɛ: Kabuseyeli, Edɛɛrɛ, Yaguuru,

²²Kiinaa, Dimoonaa, Adaada,

²³Kedɛsi, Asɔɔrɔ, Itnan,

²⁴Ziifu, Telemu, Beyalɔti,

²⁵Asɔɔrɔ-Adata, Kiriyɔti-Hesirɔn bɛ n ka Asɔɔrɔ nɛ,

²⁶Amaamu, Semaa, Molaadaa

²⁷Asaara-Gaadaa, Ɛsimɔn, Bɛti-Pelɛti,

²⁸Asaara-Suwali, Bɛɛr-Sebaa laanka a lɛkoro lɛ-an nɛ,

²⁹Baalaa, Iyimu, Atsemu,

³⁰Ɛltolaadi, Kesili, Ɔrmaa,

³¹Siklagi, Madmanaa, Sansanaa,

³²Lebayɔti, Silimu, Ayini laanka Rimɔn. A tumaa a kaa kun kiwi dadara fuəwenmanangɔrɔ, ka ǹ kiwi bisinin ni.

³³Kiwin mɛnɛn nə goã diə bǎã kɛ nɛ, bɛn man ka kɛn nɛ: Ɛsitawɔli, Soreya, Asinaa,

³⁴Zanoa, Ɛn-Ganimu, Tapuwa, Ɛnaamu,

³⁵Yarmuti, Adulaamu, Sokoo, Azekaa,

³⁶Saarayimu, Aditayimu, Gederaa, Gederotayimu. Kiwi dadara fulusii ka ǹ kiwi bisinin ni.

³⁷Kiwi kɔsɔn mɛnɛn nə goã walan, bɛn man ka kɛn nɛ: Senan, Adaasaa, Migdaali-Gaadi,

³⁸Dileyan, Mispee, Yakiteli,

³⁹Lakiisi, Bosikaati, Egulɔn,

⁴⁰Kabonu, Lamaasi, Kitiliisi,

⁴¹Gederɔti, Bɛti-Dagɔn, Naama, Makedaa. Bɛn man kiwi dadara fulusɔrɔ, ka ǹ kiwi bisinin ni.

⁴²Kiwin mɛnɛn dɔn bɛ́ n tii bɛn ganaa, bɛn man ka kɛn nɛ: Libnaa, Etɛɛrɛ Asinaa,

⁴³Iftaa, Asinaa, Nesibu,

⁴⁴Kiilaa, Akziibu, Maresaa. Bɛn man kiwi dadara manangɔrɔ ka ǹ kiwi bisinin ni.

⁴⁵Ekrɔn dɔ laanka a bǎãn tá a nɛ ka a lɛkoro lɛ-a kiwin ni.

⁴⁶A saa Ekrɔn ganaa a wo lɛ̀nyɛɛn li, kiwi dadaran laanka kiwi bisinin mɛnɛn tumaa bɛ́ kunun Asidɔdi kiwi kɛ ganaa bɛn tá a nɛ.

⁴⁷Asidɔdi kiwi laanka Gaazaa kiwi ni, ǹ kiwi dadaran laanka a bisinin ni, a wo yǎa Ezipti tà lɛ-a, a wo n doa kɔ̀ gole kɛ laanka a lɛkoro lɛ-a bǎãn ganaa, bɛn tá a nɛ.

⁴⁸Kiwin mɛnɛn nə goã kele yii bǎã kɛ nɛ, bɛn man ka kɛn nɛ: Samiiri, Yatiiri, Sokoo,

⁴⁹Daanaa, Kiriyati-Saanaa, bɛ n ka Debiiri ni.

⁵⁰Anaabu, Ɛsiteemoo, Animu,

⁵¹Gosɛnɛ, Holɔn, Giiloo. Bɛn man kiwi dadara fulugoon ka ǹ kiwi bisinin ni.

⁵²Arabu kiwi tá a nɛ, Dumaa nɛ, Ɛsiyan nɛ,

⁵³Yanumu ni, Bɛti-Tapuwa nɛ, Afekaa nɛ,

⁵⁴Humetaa nɛ, Kiriyati-Arabaa kɛ nɛ ǹ tá bíi Ebrɔn ka Siɔɔrɔ nɛ. Bɛn man kiwi dadara manangɔrɔ ka ǹ kiwi bisinin ni.

⁵⁵Kiwin kɛn dɔn nə́ goã a nɛ: Mawɔn, Karmɛli, Ziifu, Yuutaa,

⁵⁶Zizereyɛli, Yakidamu, Zanoa,

⁵⁷Kayini, Gibeya, Timnaa. Bɛn man kiwi dadara fù ka ǹ kiwi bisinin ni.

⁵⁸Kɔsɔn mɛnɛn dɔn nə goã a nɛ, bɛn man ka kɛn nɛ: Halulu, Bɛti-Suuru, Gedɔɔrɔ,

⁵⁹Maarati, Anɔɔti, Ɛltekɔn. Bɛn man kiwi dadara sɔrɔ ka ǹ kiwi bisinin ni.

⁶⁰Kiriyati-Baali mɛn bɛ́ ǹ tá bíi Kiriyati-Yarimu, bɛ laanka Rabaa tá a nɛ. Bɛn man kiwi dadara paa ka ǹ kiwi bisinin ni.

⁶¹Kiwin mɛnɛn nə goã don bǎã kɛ nɛ, bɛn man ka kɛn nɛ: Bɛti-Arabaa, Midini, Sekaaka,

⁶²Nibsan, Yìsi kiwi kɛ nɛ, Ɛn-Gedii. Bɛn man kiwi dadara sɔrɔ ka ǹ kiwi bisinin ni.

⁶³ Zebuzu tɔrɔn mɛnɛn nə goã giã n Zeruzalɛmu kiwi, Zudaa tɔrɔn lɛn nə boo la ǹ nə́ bɛn loo wa. Bɛ lɛ nɛ, Zebuzu tɔrɔn lɛn nə́ giã kun ka Zudaa tɔrɔn lɛn nɛ Zeruzalɛmu yǎa á daa kaa pelo lɛ.