Read Samo, Southern Zoz 19 Bible Online

Zoz 19 - Samo, Southern bible

Zoz 19

¹Bǎã lɛ a paabaa ǹ wɔ na á dɔ Simiɔn tɔrɔn tanlɛ minin ganaa. Ǹsɛn bǎã na á goã Zudaa tɔrɔn bǎã bii.

² Kiwin kɛn man nə́ goã ǹsɛn wɔn lɛa: Bɛɛr-Sebaa, Sebaa, Molaadaa,

⁵Siklagi, Bɛti-Markabɔti, Asaara-Suusaa,

⁶Bɛti-Lebawɔti, Sarusɛnɛ. Bɛn man kiwi dadara fulusɔɔ, ka ǹ lɛkoro lɛ-a kiwi bisinin ni.

⁷Kiwi kɔsɔn mɛnɛn dɔn nə goã a nɛ, bɛn man ka kɛn nɛ: Ayini, Rimɔn, Etɛɛrɛ, Aakan. A kaa kun kiwi dadara sii ka ǹ lɛkoro lɛ-a kiwi bisinin ni.

⁸Kiwi bisin mɛn tumaa goã bɛa kiwin lɛn lɛnpɛnɛ, bɛ tumaa na á goã a nɛ. A n woe yǎa Baalati-Bere kiwi, bɛ n ka Ramati kiwi kɛ nɛ gusin a lɛ̀gɔn la. Bǎã mɛn dɔ Simiɔn tɔrɔn tanlɛ minin ganaa kíɛ̃ lɛa, a din nə ka kɛ nɛ.

⁹Simiɔn tɔrɔn lɛn bǎã gii na á n bɔ Zudaa tɔrɔn wɔ nɛ. A giala, Zudaa tɔrɔn bǎã lɛ goã gole ǹ ganaa. Bɛ lɛ na á toa, Simiɔn tɔrɔn lɛn nə́ bǎã yɛ Zudaa tɔrɔn lɛn bii ǹ wɔ gii lɛa.

¹⁰Bǎã lɛ a sɔɔbaa ǹ wɔ na á dɔ Zabulɔn tɔrɔn tanlɛ minin ganaa. Ǹ bǎã lɛ a gèlè na á goã woe yǎa Saridi.

¹¹A nə n toɛ walan a da bɔ lɛ̀nyɛɛn gɔn la, a bɔ Mareyalaa kiwi, a n lɔ Dabesɛti kiwi ganaa ka tà kɛ nɛ baa sii boe Zokoneyamu kiwi yɔrɔ-a.

¹²A nə n toɛ Saridi lɛ nɛ, a n pɛnɛ a wo bɔ lɛ̀giala li, Kisilɔti-Tabɔɔrɔ kiwi gèlè la, a kiɛ̃ a wo bɔ Daberati kiwi, a n lɛ dii a wo Yafiya kiwi.

¹³A nə n toɛ walan a wo lɛ̀giala gɔ́ɔ̃ li, Gati-Hefɛɛrɛ laanka Ita-Kasini kiwi, a da soo Rimɔn kiwi, a wo yǎa Neya kiwi.

¹⁴Gèlè lɛ n wusii a n pusu a wo bɔ Hanatɔn kiwi a gɔsɛ a lɛ̀gɔn la, a kiɛ̃ a wo n doa Iftayeli a nyankɔrɔ basa kɛ ganaa.

¹⁵Kiwin mɛnɛn nə dɔ ǹ ganaa, bɛn tɛn nə ke: Kataati, Nahalali, Sirɔn, Yideyala, Bɛtlehɛmu: Ǹ kiwin lɛn kaa kun nə kiwi dadara fulupaa ka ǹ lɛkoro lɛ-a kiwi bisinin ni.

¹⁶Bɛa kiwi dadaran lɛn laanka ǹ lɛkoro lɛ-a kiwi bisinin mɛnɛn nə dɔ Zabulɔn tɔrɔn tanlɛ minin ganaa ǹ kíɛ̃ lɛa, ǹ dinin man ka bɛn nɛ.

¹⁷Bǎã lɛ a siibaa ǹ wɔ na á dɔ Isakaara tɔrɔn tanlɛ minin ganaa.

¹⁸Kiwin mɛnɛn bɛ́ ǹ nə́ goã ǹ gèlè la, bɛn man ka kɛn nɛ: Zizereyɛli, Kesulɔti, Sunɛmu,

¹⁹Afarayimu, Sihɔn, Anaharati,

²⁰Rabiti, Kisiɔn, Ebɛsi,

²¹Remɛti, Ɛn-Ganimu, Ɛn-Hadaa, Bɛti-Pasɛsi.

²²Gèlè lɛ na á goã boe Tabɔɔrɔ laanka Sayisimaa kiwi li ka Bɛti-Semɛsi ni, a kiɛ̃ a wo n doa Zurdɛ̃ tà ganaa. Kiwi dadara fulusɔrɔ na á goã ǹ bǎã lɛ nɛ ka ǹ lɛkoro lɛ-a kiwi bisinin ni.

²³Bɛa kiwi dadara lɛn laanka ǹ lɛkoro lɛ-a kiwi bisinin mɛnɛn nə dɔ Isakaara tɔrɔn tanlɛ minin ganaa ǹ kíɛ̃ lɛa, ǹ dinin man ka bɛn nɛ.

²⁴Bǎã lɛ a soorobaa ǹ wɔ na á dɔ Asɛɛrɛ tɔrɔn tanlɛ minin ganaa.

²⁵Ǹ gèlè na á goã ka kiwin kɛn nɛ: Ɛlkati, Halii, Betɛn, Aksafu,

²⁶Alamelɛki, Ameyadi, Miseyali. A n boe Karmɛli kele kɛa lɛ̀nyɛɛn gɔn la, a da Sihɔɔrɔ-Libnati tà kɛ lɛ-a,

²⁷a n pɛnɛ a wo Bɛti-Dagɔn kiwi, lɛ̀giala gɔn la. A nə n doɛ Zabulɔn kiwi ganaa ka Iftayeli a nyankɔrɔ basa kɛ nɛ, Bɛti-Emɛli laanka Neyeli a gɔsɛ a lɛ̀gɔn la nɛ. A n woe gɔsɛ a lɛ̀gɔn la miɛ̃, a wo soo Kabulu kiwi,

²⁸A kiɛ̃ a bɔ Abdɔn, a bɔ Rehɔbu, Hamɔn laanka Kana nɛ, a kiɛ̃ a wo yǎa Sidɔn-Gole kɛ nɛ.

²⁹Gèlè lɛ nə n pɛnɛ a da bɔ Ramaa kiwi, ǹ kungɔn dɔ Tiiri kiwi kɛa bǎã mɛn ganaa, a kiɛ̃ a da yǎa walan. A nə n toɛ walan a n pɛnɛ a da Hosaa, a tɔn bɔ Mahalabu, Akziibu, Umaa, Afɛki ka Rehɔbu ni, a wo n doa kɔ̀ gole kɛ ganaa. A kaa kun kiwi dadara fuəwenpaa ka ǹ lɛkoro lɛ-a kiwi bisinin ni.

³⁰

³¹Bɛa kiwi dadaran lɛn laanka ǹ lɛkoro lɛ-a kiwi bisinin mɛnɛn nə dɔ Asɛɛrɛ tɔrɔn tanlɛ minin ganaa ǹ kíɛ̃ lɛa, ǹ dinin man ka bɛn nɛ.

³²Bǎã lɛ a sɔrɔbaa ǹ wɔ na á dɔ Nɛfutalii tɔrɔn tanlɛ minin ganaa.

³³Ǹ gèlè n siɛ tán Elɛfu kiwi, a da Sananimu kiwi a da gole kɛ li, a da bɔ Adami-Nekebu laanka Yabneyeli kiwi, a kiɛ̃ a wo yǎa Lakumu, a tɔn wo n doa Zurdɛ̃ tà ganaa.

³⁴Gèlè lɛ nə n pɛnɛ a da bɔ Azinɔti-Tabɔɔrɔ, lɛ̀nyɛɛn gɔn la, a n toa walan a kiɛ̃ a wo Wukoko. Gèlè lɛ n woe kiɛ Zabulɔn tɔrɔn bǎã lɛ, gusin a lɛ̀gɔn la, a kiɛ̃ a wo kaa Asɛɛrɛ tɔrɔn bǎã lɛ lɛ̀nyɛɛnɛ. Zurdɛ̃ tà na á goã a lɛ̀giala gɔn la.

³⁵Ǹ kiwin mɛnɛn lɛnpɛnɛ ka kungɔn nɛ, bɛn man ka kɛn nɛ: Sidimu, Sɛɛrɛ, Amaati, Rakaati, Kenerɛti,

³⁶Adama, Ramaa, Asɔɔrɔ,

³⁷Kedɛsi, Edreyii, Ɛn-Asɔɔrɔ,

³⁸Yiirewɔ̃, Migdalɛli, Orɛmu, Bɛti-Anaati, Bɛti-Semɛsi. A kaa kun kiwi dadara fulumanangɔrɔ ka ǹ lɛkoro lɛ-a kiwi bisinin ni.

³⁹Bɛa kiwi dadaran lɛn laanka ǹ lɛkoro lɛ-a kiwi bisinin mɛnɛn nə dɔ Nɛfutalii tɔrɔn tanlɛ minin ganaa ǹ kíɛ̃ lɛa, ǹ dinin man ka bɛn nɛ.

⁴⁰Bǎã lɛ a sɔbaabaa ǹ wɔ na á dɔ Dan tɔrɔn tanlɛ minin ganaa.

⁴¹Ǹ bǎã lɛ gèlè na á goã ka kiwin kɛn nɛ: Soreya, Ɛsitawɔli, Irsemɛsi,

⁴²Salabini, Azaalɔn, Yiitla,

⁴³Elɔn, Timunaata, Ekrɔn,

⁴⁴Ɛlteke, Gibetɔn, Baalati,

⁴⁵Yewudu, Bene-Beraki, Gat-Rimɔn,

⁴⁶Yarkɔn tà kɛ laanka Rakɔn nɛ ka bǎã kɛ nɛ Zafa kiwi yɔrɔ-a.

⁴⁷ Sɛnɛ, Dan tɔrɔn bǎã lɛ gèlè papaã ǹ la. Bɛ lɛ nɛ, Dan tɔrɔn lɛn nə́ woo zia baa Lesɛmu kiwi ganaa, ǹ nə́ kũ. Ǹ nə́ kiwi minin lɛn dɛ, ǹ nə́ kiwi lɛ si ǹ nə́ giã a nɛ. Ǹ nə́ ǹ digolo Dan tɔ kɔ Lesɛmu kiwi lɛ ganaa.

⁴⁸Bɛa kiwi dadaran lɛn laanka ǹ lɛkoro lɛ-a kiwi bisinin mɛnɛn nə dɔ Dan tɔrɔn tanlɛ minin ganaa ǹ kíɛ̃ lɛa, ǹ dinin man ka bɛn nɛ.

⁴⁹Gána lɛ gèlè bɛ́ lɔn, Izirayeli minin lɛn bɛ́ ǹ nə́ gii ǹ nə́ nya ǹ mɛn waáraa, ǹ nə́ bǎã kɔ Nunu a nɛgiĩ Zozoe la ǹ dinin bii.

⁵⁰A goã á kiwi mɛn nyankɔ, Timinaati-Seraa lɛ Efrayimu a kele yii ni, maǹ nə́ bɛ lɛ kɔ la, ka Dɛnaa Lawa pɛ lɔn. Á bɛa kiwi lɛ dɔ á giã a nɛ.

⁵¹Lawa a wúlu-bɔle Eleyazaara nɛ, Nunu a nɛgiĩ Zozoe ne ka Izirayeli tɔrɔn lɛn kɛdɛnan nɛ, bɛn man nə́ n pã, ǹ nə́ tɔ́n bɛa bǎãn lɛn kɔ Izirayeli tɔrɔn lɛn la ǹ kíɛ̃ lɛa. Bɛ na á n zɛnaa Dɛnaa Lawa yɔrɔ-a Siiloo, kɔn yɛ ka Lawa nɛ ǹ mɔnaa kion kɛa kiɛnlɛ-a. Ǹ nə́ gána lɛ gii miɛ̃ ka bɛa yɔrɔ lɛ nɛ yǎa á nya.