Read Samo, Southern SNS 10 Bible Online

SNS 10 - Samo, Southern bible

SNS 10

¹Má tɔ́n lon a dia dí-a wole pàã goledɛnaa goon kɔsɔ yɛ boe lon gisĩ tán. Labara goon nə pɛnɛɛ nɛ a ganaa, lamɛn ná a mìi lalan. A yɔrɔ n tɛ pii ka wasa bɛ́ lɔn, a gòãn man kuĩ ka fɔlɔ bàbàla bɛ́ lɔn.

²Á sɛ́wɔ boɛɛn lɛ buĩmaa kũ ká a gɔn nɛ. Á n gusin a gòã da yìsi mu gole la, á n gɔsɛ a gòã da tán la.

³Á n lɛ dɛ ka lɛn gole ne, ka yàra bɛ́ parɛɛ lɔn. A bɛ́ á n lɛ dɛ á nya, la a paraa sɔbaa kɛ dɔ tɔ́n gini.

⁴La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»

⁵ Ma lon a dia dí-a wole mɛn yɛ golee-n lon yìsi mu gole la ka tán nɛ, bɛ tɔ́n nə n gusin saa á dia lon,

⁶á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

⁷Sɛnɛ, bɛ̀ lon a dia dí-a wole sɔbaabaa ǹ wɔ ná a bɛn kɛ pɛ pin mɛn-a, ka bɛ nɛ, Lawa bɛ́ a ná a sii-duriin yɔrɔ bɔ, á kɔ a boo gii-dalin la, mà ǹ pɛ lɔn, bɛa biikoo lɛ na á dɔ.»

⁸ Ma goã má lɛn mɛn ma lon, bɛ́ wusoo á pɛ ma-n doo: «Lon a dia dí-a wole mɛn bɛ́ golee-n lon yìsi mu gole la ka tán nɛ, ka sɛ́wɔ boɛɛn lɛ buĩmaa nɛ a gɔn, wo sɛ́wɔ lɛ si la.»

⁹Má n zɔ̃ má dɔ lon a dia dí-a wole lɛ li, má a nyankɔ má a sɛ́wɔ boɛɛn lɛ kɔ ma la. Á tɔ́n pɛ ma nɛ: «A si n sɔ̃. Á re kɔɔsɛ koe n gɔ́ɔ̃ nɛ, sɛnɛ, a n die goɛ̃ paparɛ n lɛ-n ka zoo bɛ́ lɔn.»

¹⁰Má tɔ́n sɛ́wɔ boɛɛn lɛ bɔ a gɔn má sɔ̃. Á paparɛ kɔ ma lɛ-n ka zoo bɛ́ lɔn, sɛnɛ, ma bɛ́ má mui a na á kɔɔsɛ kɔ ma gɔ́ɔ̃ nɛ.

¹¹Ǹ nə́ tɔ́n pɛ ma nɛ: «Yǎa n wusii n woe Lawa a boo gii diɛ gána gigiã minin ni, tɔrɔ gigiã nɛ, bɔlɔ totoro pɛle gigiã nɛ, ka kii gigiã nɛ.»