Read Southern Sotho Mattheu 7 Bible Online

Mattheu 7 - Southern Sotho bible

Mattheu 7

¹Le se ke la ahlola, le tle le se ke la ahlolwa.

²Hobane kahlolo eo le ahlolang ka yona, le tla ahlolwa ka yona, mme tekanyo eo le lekanyang ka yona, le tla lekanyetswa ka yona hape.

³O tadimelang phatsa e ka leihlong la ngwaneno, empa o sa lemohe leballo le ka leihlong la hao?

⁴Kapa o ka bolella ngwaneno jwang, wa re: Ntumelle, ke ntshe phatsa e ka leihlong la hao; mme bona, phallo e ka leihlong la hao?

⁵Moikaketsi ke wena, ntsha pele leballo le ka leihlong la hao; ke moo o tla bona hantle ho ntsha phatsa e ka leihlong la ngwaneno.

⁶Le se ke la nea dintja se halalelang, mme le se ke la lahlela diperela tsa lona pela dikolobe, esere tsa di hatakela ka maoto, mme tsa sokoloha, tsa le harola.

⁷Kopang, mme le tla fuwa; batlang, mme le tla fumana; kokotang, mme le tla bulelwa.

⁸Hobane e mong le e mong ya kopang o a fuwa; mme ya batlang o a fumana; le ya kokotang o tla bulelwa.

⁹Kapa ke motho ofe hara lona, eo ekareng ha mora wa hae a kopa bohobe, a mo nee lejwe?

¹⁰Kapa ha a ka kopa tlhapi, a ka mo nea noha?

¹¹Ha ho le jwalo, ha lona, le le ba kgopo, le tseba ho nea bana ba lona dineo tse molemo, Ntata lona ya mahodimong o tla fetisa hakakang ka ho nea ba mo kopang tse molemo?

¹²Ka baka leo, tsohle tseo le ratang hore batho ba le etse tsona, le lona le ba etse tsona; hobane ke wona molao le baporofeta.

¹³Kenang ka monyako o patisaneng;

¹⁴Hobane monyako wa bophelo o patisane, le tsela e isang bophelong e tshesane, mme ba e fumanang ha ba bakae.

¹⁵Hlokomelang baporofeta ba bohata, ba tlang ho lona ba apere seaparo sa nku, empa ka hare e le diphiri tse harolang.

¹⁶Le tla ba tseba ka ditholwana tsa bona. A batho ba kgetla morara meutlweng, kapa difeiye meutlweng?

¹⁷Ka mokgwa o jwalo sefate se seng le se seng se setle se beha ditholwana tse monate; empa sefate se sebe se beha ditholwana tse mpe.

¹⁸Sefate se setle se ke ke sa beha ditholwana tse mpe, le sefate se sebe se ka bea ditholwana tse monate.

¹⁹Sefate se seng le se seng se sa beheng ditholwana tse monate, se a rengwa, se lahlelwa mollong.

²⁰Ke gone lo tla ba itse ka maungo a bone.

²¹Ha se bohle ba reng ho nna: Morena, Morena, ya tla kena mmusong wa mahodimo; empa ke ya etsang thato ya Ntate ya mahodimong.

²²Tsatsing leo, ba bangata ba tla re ho nna: Morena, Morena, na ha rea ka ra porofeta ka lebitso la hao na? mme ka lebitso la hao re leleka batemona? le ho etsa mehlolo e mengata ka lebitso la hao?

²³Jwale ke tla bolela ho bona, ke re: Ha ke eso le tsebe le ka mohla; ntloheleng, lona ba sebetsang bokgopo.

²⁴Ka baka leo, e mong le e mong ya utlwang dipolelo tsena tsa ka, mme a di etsa, o tla tshwantshwa le monna ya bohlale, ya ileng a haha ntlo ya hae hodima lefika.

²⁵Mme pula ya fologa, le merwalela ya tla, le diphefo tsa foka, tsa itaya ntlo eo; mme ya se ke ya wa: hobane e ne e theilwe hodima lefika.

²⁶E mong le e mong ya utlwang dipolelo tseo tsa ka, mme a sa di etse, o tla tshwantshwa le monna wa leoatla, ya ileng a haha ntlo ya hae lehlabatheng.

²⁷Mme pula ya fologa, le merwalela ya tla, le diphefo tsa foka, tsa itaya ntlo eo; mme ya wa: mme ho wa ha yona ya eba ho hoholo.

²⁸Eitse hobane Jesu a qete dipolelo tseo, letshwele la hlollwa ke thuto ya hae.

²⁹Hobane o ne a ba ruta jwaloka ya nang le matla, e seng jwaloka Ditsebi tsa Molao.