Read Southern Sotho Mattheu 8 Bible Online

Mattheu 8 - Southern Sotho bible

Mattheu 8

¹Ha a theoha thabeng, matshwele a maholo a mo latela.

²Mme bonang, ha tla molepera, a kgumama, a re: Morena, ha o rata, o ka ntlhwekisa.

³Jesu a otlolla letsoho, a mo ama, a re: Ke a rata; o hlweke. Mme lepera la hae hanghang la ntlafala.

⁴Jesu a re ho yena: Bona, o se ke wa bolella motho; o mpe o tsamaye, o ipontshe ho moprista, mme o hlahise neo e laetsweng ke Moshe, e tle e be bopaki ho bona.

⁵Eitse ha Jesu a kena Kapernauma, ha tla ho yena molaodi wa lekgolo, a mo rapela.

⁶A re: Morena, mohlanka wa ka o robetse hae, o shwele ditho, a hlokofaditswe haholo.

⁷Jesu a re ho yena: Ke tla tla, ke mo fodise.

⁸Molaodi wa lekgolo a araba, a re: Morena, ha ke a tshwanela hore o kene tlasa marulelo a ka;

⁹Hobane nna, ke motho ya taolong, ke na le bahlabani ba katlasa ka; le ho e mong, Tloo, a tle; le ho mohlanka wa ka, Etsa sena, mme o a se etsa.

¹⁰Jesu ha a utlwa, a hlollwa, a re ho ba mo latelang: Kannete ke a le bolella, ha ke eso ho bone tumelo e kalo, leha e le Iseraeleng.

¹¹Ke re ho lona: Ba bangata ba tla tswa botjhabela le bophirimela, ba dule le Abrahama, le Isaaka, le Jakobo, mmusong wa mahodimo.

¹²Empa bana ba mmuso ba tla lahlelwa lefifing le kantle; teng ho tla ba dillo le ditsikitlano tsa meno.

¹³Jesu a re ho molaodi wa lekgolo: “Tsamaya; mme ho etswe ho wena kamoo o dumetseng kateng. Mme mohlanka wa hae a fola ka yona nako eo.

¹⁴Jesu ha a fihla tlung ya Petrose, a bona mohwehadi wa hae a robetse, a tshwerwe ke feberu.

¹⁵Yaba o ama letsoho la hae, mme feberu ya mo tlohela, mme a tsoha, a ba sebeletsa.

¹⁶Eitse ha e se e le mantsiboya, ha tliswa ho yena ba bangata ba nang le batemona;

¹⁷e le hore ho tle ho etsahale ho boletsweng ke moporofeta Esaia, ha a re: O nkile mefokolo ya rona, mme a jere malwetse a rona.

¹⁸Yare ha Jesu a bona matshwele a maholo a mo teetse hare, a laela hore ba tshelele mose wane.

¹⁹Mongodi e mong a tla, a re ho yena: Moruti, ke tla o latela hohle moo o yang teng.

²⁰Jesu a re ho yena: Diphokojwe di na le mesima, le dinonyana tsa lehodimo di na le dihlaha; empa Mora motho ha a na moo a ka samelang hlooho teng.

²¹E mong wa barutuwa ba hae a re ho yena: Morena, ntumelle hore ke ye ho pata ntate pele.

²²Jesu a re ho yena: Ntatele; mme o lese bafu ba epele bafu ba bona.

²³Eitse hobane a kene sekepeng, barutuwa ba hae ba mo latela.

²⁴Mme bonang, ha tsoha sefefo se seholo lewatleng, hoo sekepana se ileng sa aparelwa ke maqhubu a lewatle, empa yena o ne a robetse.

²⁵Barutuwa ba hae ba tla ho yena, ba mo tsosa, ba re: Morena, re pholose!

²⁶A re ho bona: Lona ba tumelo e nyenyane, le tshohile keng? Yaba o a tsoha, a kgalemela meya le lewatle; mme ha eba le kgutso e kgolo.

²⁷Empa banna bao ba makala, ba re: Enwa ke motho wa jwang eo le meya le lewatle di mo utlwang?

²⁸Eitse ha a fihla mose wane, naheng ya Bagadara, a kgahlana le ba babedi ba nang le batemona, ba etswa mabitleng, ba le bohale bo feteletseng, hoo ho neng ho se motho ya fetang ka tsela eo.

²⁹Mme bonang, ba howa, ba re: Re na le taba efe le wena, Mora Modimo? A o tlile kwano ho tla re hlokofatsa pele ho nako?

³⁰Ho ne hole le bona mohlape wa dikolobe tse ngata o fula.

³¹Yaba batemona ba mo rapela, ba re: Ha o ka re leleka, re dumelle hore re ye mohlapeng wa dikolobe.

³²A re ho bona: Eyang. Yare ha di etswa, tsa kena mohlapeng wa dikolobe, mme, bonang, mohlape wohle wa dikolobe wa mathela moepa lewatleng, wa shwela metsing.

³³Badisa ba baleha, ba ya motseng, ba bolela tsohle, le tse hlahetseng ba neng ba ena le batemona.

³⁴Mme bonang, motse wohle wa tswa ho ya kgahlanyetsa Jesu;