Read Southern Sotho Mareka 1 Bible Online

Mareka 1 - Southern Sotho bible

Mareka 1

¹Tshimoloho ya Evangeli ya Jesu Kreste, Mora wa Modimo;

²Jwalokaha ho ngodilwe bukeng ya baporofeta, ho thwe: Bona, ke roma lenqosa la ka pela sefahleho sa hao, le tla o lokisetsa tsela.

³Lentswe la ya howang feelleng, le re: Hlekang mmila wa Jehova feelleng, le lokise ditsela tsa hae.

⁴Johanne o kile a kolobetsa feelleng, a bolela kolobetso ya pako ya tshwarelo ya dibe.

⁵Naha yohle ya Judea le bohle ba Jerusalema ba tswela ho yena, mme a ba kolobetsa nokeng ya Jordane, ba ntse ba bolela dibe tsa bona.

⁶Johanne o ne a apere boya ba kamele, a itlamile letheka ka leqhama la letlalo; a ja ditsie le dinotshi tsa naha;

⁷A bolela, a re: Kamorao ho nna ho tla e mong ya mphetang ka matla, eo ke sa lokelang ho inama ho lokolla leqhwele la dieta tsa hae.

⁸Nna ke le kolobeditse ka metsi, empa yena o tla le kolobetsa ka Moya o Halalelang.

⁹Mehleng eo, ha fihla Jesu a etswa Nasaretha wa Galelea, mme a kolobetswa ke Johanne nokeng ya Jordane.

¹⁰Yare ha a phakisa a nyoloha metsing, a bona mahodimo a bulehile, le Moya o kang leeba o theohela hodima hae.

¹¹Jwale lentswe le tswang lehodimong la re: “O Mora wa ka ya ratwang, eo ke kgahliswang ke yena.

¹²Yaba Moya o phakisa wa mo isa feelleng.

¹³A hlola feelleng matsatsi a mashome a mane, a ntse a lekwa ke Satane; mme o ne a na le dibatana; mme mangeloi a ne a mo sebeletsa.

¹⁴Eitse hobane Johanne a kenngwe teronkong, Jesu a tla Galelea, a ntse a bolela Evangeli ya mmuso wa Modimo;

¹⁵A re: “Nako e phethehile, mmuso wa Modimo o atametse; bakang, mme le dumele Evangeli.

¹⁶Yare ha a tsamaya pela lewatle la Galelea, a bona Simone le Andrease, ngwanabo, ba akgela letlowa lewatleng, hobane e ne e le batshwasi ba ditlhapi.

¹⁷Jesu a re ho bona: Ntateleng, mme ke tla le etsa batshwasi ba batho.

¹⁸Ba phakisa ba tlohela matlowa a bona, ba mo latela.

¹⁹Eitse hobane a fete sebakanyana, a bona Jakobo, mora Sebedea, le Johanne, ngwanabo, le bona ba le ka sekepeng ba lokisa matlowa a bona.

²⁰A phakisa a ba bitsa, mme ba tlohela ntata bona Sebedea ka sekepeng le ba hirilweng, ba mo sala morao.

²¹Ba kena Kapernauma; mme hang ka letsatsi la Sabatha a kena sinagogeng, a ruta.

²²Ba hlollwa ke thuto ya hae;

²³Mo sinagogeng ya bona ho ne ho ena le motho ya nang le moya o ditshila; mme a hoeletsa,

²⁴ba re: “Re tlohele; re na le taba efe le wena, Jesu wa Nasaretha? Na u tlile ho re felisa na? Kea u tseba hore na u mang, u Mohalaleli oa Molimo.

²⁵Jesu a se kgalemela, a re: Homola, o tswe ho yena!

²⁶Yare ha moya o ditshila o mo harola, o howa ka lentswe le leholo, wa tswa ho yena.

²⁷Ba hlollwa bohle, ba ba ba botsana, ba re: Ke eng hoo? thuto ee e ncha ke efe? hobane ka matla o laela le wona meya e ditshila, mme e a mo mamela.

²⁸Mme tumo ya gagwe ya akofa ya utlwala mo lefatsheng lotlhe le le mo tikologong ya Galelea.

²⁹Eitse hang ha ba etswa sinagogeng, ba kena tlung ya Simone le Andrease, ba ena le Jakobo le Johanne.

³⁰Mme mohwehadi Simone o ne a robetse a tshwerwe ke feberu, mme ba phakisa ba mmolella.

³¹A tla, a mo tshwara ka letsoho, a mo emisa; mme feberu ya phakisa ya mo tlohela, mme a ba sebeletsa.

³²Yare ha mantsiboya, letsatsi le dikela, ha tliswa ho yena bohle ba kulang, le ba nang le batemona.

³³Mme motse wohle wa phuthehela monyako.

³⁴A fodisa ba bangata ba kulang malwetse a mefutafuta, a leleka batemona ba bangata; mme a se ke a dumella batemona ho bua, kahobane ba ne ba mo tseba.

³⁵Hosasane, ha e se e le kameso, a tsoha, a tswa, a ikela nqalong e se nang batho, a rapela teng.

³⁶Simone le ba nang le yena ba mo latela.

³⁷Eitse hobane ba mo fumane, ba re ho yena: Bohle ba a o batla.

³⁸A re ho bona: A re yeng metsaneng e haufi, ke tle ke bolele Evangeli le teng, hobane ke sona seo ke se tletseng.

³⁹A nna a rera disinagogeng tsa bona Galelea yohle, a leleka batemona.

⁴⁰Yaba molepera o tla ho yena, a mo rapela, a kgumama pela hae, a re ho yena: Ha o rata, o ka ntlhwekisa.

⁴¹Jesu a mo utlwela bohloko, a otlolla letsoho la hae, a mo ama, a re ho yena: Ke a rata; o hlweke.

⁴²Eitse hang ha a buile, lepera la phakisa la tloha ho yena, mme a ntlafala.

⁴³A mo laela haholo, a phakisa a mo kgutlisa;

⁴⁴A re ho yena: O iponele, o se ke wa bolella motho letho;

⁴⁵Empa yena a tswa, a qala ho bolela haholo, le ho bolela taba eo hohle, hoo Jesu a neng a sitwa ho kena motseng pepeneneng, a mpa a itulela kantle mathokong;