Read Southern Sotho Mareka 16 Bible Online

Mareka 16 - Southern Sotho bible

Mareka 16

¹Ha Sabatha e se e fetile, Maria Magdalena, le Maria mma Jakobo, le Salome, ba reka dinoko, hore ba ye ho mo tlotsa.

²Eitse ha e sa le kameso, ka letsatsi la pele la beke, ba ya lebitleng ha letsatsi le chaba.

³Mme ba buisana ba re: “Ke mang ya tla re phikolosetsa lejwe le le monyako wa lebitla?

⁴Yare ha ba tadima, ba bona lejwe le phikolositswe, hobane le ne le le leholo haholo.

⁵Yare ha ba kena lebitleng, ba bona mohlankana a dutse ka letsohong le letona, a apere seaparo se selelele se sesweu; mme ba tshoha.

⁶A re ho bona: Se tshoheng; le batla Jesu wa Nasaretha ya neng a thakgisitswe; ha a yo mona: bonang nqalo eo ba mmeileng ho yona.

⁷Empa tsamayang, le bolelle barutuwa ba hae le Petrose, le re: O le etella pele ho ya Galelea; le tla mmona teng, jwalokaha a le boleletse.

⁸Ba tswa kapele, ba baleha lebitleng; gonne ba ne ba roroma, ba gakgamala; gonne ba ne ba boifa.

⁹Eitse ha Jesu a tsoha e sa le hosasa ka tsatsi le qalang veke, a iponahatsa pele ho Maria Magdalena, eo a neng a lelekile batemona ba supileng ho yena.

¹⁰Mme a ya a bolella ba neng ba ena le yena, ba ntse ba hlomohile, ba lla.

¹¹Empa ha ba utlwa hore o a phela, le hore o bonwe ke yena, ha ba ka ba dumela.

¹²Kamora tseo, a iponahatsa ka sebopeho se seng ho ba babedi ba bona, ba ntse ba tsamaya, ba ya naheng.

¹³Le bona ba ya, ba tsebisa ba bang;

¹⁴Kamora tseo, a iponahatsa ho ba leshome le motso o mong, ba dutse dijong, mme a ba kgalemela ka ho se dumele ha bona le bothata ba dipelo tsa bona, kahobane ba ne ba sa dumele ba mmoneng ha a se a tsohile bafung.

¹⁵A re ho bona: Eyang ka lefatshe lohle, le bolelle babopuwa bohle Evangeli.

¹⁶Ya dumelang, mme a kolobetswa, o tla bolokeha; empa ya sa dumeleng o tla ahlolwa.

¹⁷Mehlolo e tla tsamaya le ba dumelang ke yona ena; Ka lebitso la ka ba tla leleka batemona; ba tla bua ka maleme a matjha;

¹⁸Ba tla tshwara dinoha; mme leha ba nwele ntho e bolayang, e ke ke ya ba etsa letho; ba tla bea matsoho hodima ba kulang, mme ba tla fola.

¹⁹Eitse hobane Morena a bue le bona, a nkelwa lehodimong, mme a dula ka letsohong le letona la Modimo.

²⁰Ba tloha, ba ya bolela Evangeli kahohle, Morena a ntse a sebetsa le bona, a tiisa lentswe ka mehlolo e e latelang. Amen.