Read Southern Sotho Mareka 2 Bible Online

Mareka 2 - Southern Sotho bible

Mareka 2

¹Eitse hobane ho fete matsatsi a mang, a boela a kena Kapernauma; mme ha utlwahala hore o ka tlung.

²Jwale ba bangata ba phutheha, hoo ho neng ho se sebaka sa ho ba amohela, leha e le monyako, mme a ba bolella lentswe.

³Ba tla ho yena, ba tlisa motho ya omeletseng ditho, a jere ba bane.

⁴Eitse ha ba sitwa ho mo atamela ka baka la letshwele, ba phunya marulelo moo a neng a le teng, mme ha ba se ba phunya, ba theola diphate tseo ya omeletseng ditho a neng a robetse ho tsona.

⁵Jesu ha a bona tumelo ya bona, a re ho motho ya omeletseng ditho: Ngwanaka, o tshwaretswe dibe tsa hao.

⁶Empa ho ne ho dutse ba bang ba bangodi moo, ba nahana ka dipelong tsa bona.

⁷Ke ka baka lang monna enwa a bolela dinyefolo jwalo? ke mang ya ka tshwarelang dibe haese Modimo feela?

⁸Yare ha Jesu a lemoha kapele moyeng wa hae hore ba ne ba nahana jwalo ka dipelong tsa bona, a re ho bona: “Ke ka baka lang ha le nahana dintho tsee ka dipelong tsa lona?

⁹Ho bonolo ke hofe, ho re ho motho ya omeletseng ditho: O tshwaretswe dibe tsa hao; kapa ho re: Tsoha, o nke diphate tsa hao, o tsamaye?

¹⁰Empa le tle le tsebe hobane Mora motho o na le matla lefatsheng a ho tshwarela dibe,” a re ho motho ya omeletseng ditho:

¹¹Ke re ho wena: Ema, o nke diphate tsa hao, o ye tlung ya hao.

¹²A tsoha hanghang, a nka diphate, a tswa kapele ho bona bohle; ba ba ba hlollwa bohle, mme ba tlotlisa Modimo, ba re: Ha re eso ho bone ka mokgwa oo.

¹³A boela a tloha, a ya lebopong la lewatle; mme letshwele lohle la tla ho yena, mme a ba ruta.

¹⁴Eitse ha a feta, a bona Levi, mora Alfea, a dutse pela ntlo ya lekgetho, a re ho yena: Ntatele. A tsoha, a mo latela.

¹⁵Eitse ha Jesu a dutse dijong tlung ya hae, balekgetho ba bangata le baetsadibe ba dula le Jesu le barutuwa ba hae, hobane ba ne ba le bangata, mme ba mo latela.

¹⁶Yare ha bangodi le bafarisi ba mmona a eja le balekgetho le baetsadibe, ba re ho barutuwa ba hae: O jela jwang le balekgetho le baetsadibe?

¹⁷Jesu ha a utlwa, a re ho bona: Ba phelang hantle ha ba batle ngaka, empa ba kulang ha ba e batle.

¹⁸Barutuwa ba Johanne le ba Bafarisi ba ne ba itima dijo, mme ba tla ho yena, ba re: “Ke ka baka lang ha barutuwa ba Johanne le ba Bafarisi ba itima dijo, athe ba hao ha ba itime dijo?

¹⁹Jesu a re ho bona: Na banyadi ba ka itima dijo, monyadi a sa na le bona na? ha feela ba sa na le monyadi ho bona, ba sitwa ho itima dijo.

²⁰Empa matsatsi a tla tla ao monyadi a tla tloswa ho bona, mme ke hona ba tla itima dijo matsatsing ao.

²¹Ha ho motho ya rokellang setsiba sa lesela le letjha seaparong sa kgale;

²²Hape, ha ho motho ya tshelang veine e ntjha makukeng a kgale;

²³Ka tsatsi la Sabatha, a pholletsa hara masimo; mme barutuwa ba hae ba qala ho kga diako, ba tsamaya.

²⁴Bafarisi ba re ho yena: Bona, ba etsetsang se sa dumellwang ka tsatsi la Sabatha?

²⁵A re ho bona: Na ha le eso ho bale seo Davida a se entseng, mohla a hlokang, a lapile, mmoho le ba nang le yena?

²⁶Kamoo a kileng a kena tlung ya Modimo kateng mehleng ya Abiathare, moprista e moholo, a ja mahobe a pontsha, a neng a sa dumellwa ho jewa, haese ke baprista, a ntoo nea le ba nang le yena?

²⁷A re ho bona: Sabatha e etseditswe motho, motho ha a a etsetswa Sabatha.

²⁸Ka baka leo, Mora motho ke Morena le wa Sabatha.