Read Southern Sotho Luka 13 Bible Online

Luka 13 - Southern Sotho bible

Luka 13

¹Ka yona nako eo, ho ne ho le teng ba bang ba mmolellang tsa Bagalelea, bao Pilato a neng a tswakile madi a bona le mahlabelo a bona.

²Jesu a araba, a re ho bona: “Na le lekanya hore Bagalelea bao e ne e le baetsadibe ho feta Bagalelea bohle, kahobane ba ne ba hlokofaditswe ka mokgwa o jwalo na?

³Ke a le bolella, Tjhe, empa, ha le sa bake, le lona bohle le tla timela jwalo.

⁴Le ba leshome le metso e robileng meno e le mmedi, bao tora ya Siloame e ileng ya ba wela, ya ba bolaya, le lekanya hoba e ne e le baetsadibe ho fetisa batho bohle ba ahileng Jerusalema na?

⁵Ke a le bolella, Tjhe, empa, ha le sa bake, le lona bohle le tla timela jwalo.

⁶Le yena a bolela setshwantsho seo; Monna e mong o ne a na le sefate sa feiye se hlomilweng tshimong ya hae ya merara; a tla, a batla ditholwana ho wona, mme a se ke a di fumana.

⁷Yaba o re ho molemi wa tshimo ya hae: Bona, ke dilemo tse tharo ke ntse ke tla ho batla ditholwana sefateng sena sa feiye, mme ha ke di fumane; ke hobane’ng ha u senyetsa fatše?

⁸Yena a araba, a re ho yena: Morena, se tlohele le ka selemo sena, ke tle ke se tjheke, ke se tshele moitedi.

⁹Ekare ha o ka beha, ho lokile; mme ha ho se jwalo, o tla o rema.

¹⁰Mme o ne a ruta ho e nngwe ya disynagoge ka Sabatha.

¹¹Jwale, bonang, ho ne ho ena le mosadi ya neng a ena le moya wa bofokodi ka dilemo tse leshome le metso e robedi;

¹²Jesu ha a mmona, a mmitsa, a re ho yena: Mosadi, o lokolotswe bofokoding ba hao.

¹³A mmea matsoho; mme a phakisa a otloloha, a tlotlisa Modimo.

¹⁴Yaba mmusi wa sinagoge a halefa, kahobane Jesu a fodisitse ka tsatsi la Sabatha, a re ho batho: Ho na le matsatsi a tsheletseng ao ho ka sebetswang ka wona; letsatsi.

¹⁵Morena a mo araba, a re: “Moikaketsi ke wena!

¹⁶A mosadi enwa, e leng moradi wa Abrahama, eo Satane a mo tlamileng ka dilemo tse leshome le metso e robileng meno e le mmedi, na o ne a sa tshwanela ho lokollwa ditlamong tseo ka tsatsi la Sabatha na?

¹⁷Eitse hobane a bolele taba tseo, bahanyetsi ba hae bohle ba hlajwa ke dihlong;

¹⁸A re: Mmuso wa Modimo o tshwana le eng? mme ke tla e tshwantsha ka eng?

¹⁹O jwaloka hlaku ya mosetareta, eo motho a e nkileng, a e lahlela tshimong ya hae; ya hola, ya ba sefate se seholo; mme dinonyana tsa lehodimo tsa aha makaleng a sona.

²⁰A boela a re: Mmuso wa Modimo ke tla o tshwantsha le eng?

²¹O tshwana le tomoso, eo mosadi a e nkileng, a e pata ka tekanyong tse tharo tsa phofo, ya ba ya bela kaofela.

²²Mme a tsamaya le metse le metsana, a ntse a ruta, a lebile Jerusalema.

²³E mong a re ho yena: Morena, na ba tla bolokeha ha ba bakae na? A re ho bona.

²⁴Ikitlaetseng ho kena ka monyako o patisaneng; hobane ke a le bolella, ba bangata ba tla batla ho kena, empa ba tla sitwa.

²⁵Etlare ha monga ntlo a se a tsohile, a kwala monyako, mme le qala ho ema kantle, le ho kokota monyako, le re: Morena, Morena, re bulele; mme o tla araba, a re ho lona: Ha ke le tsebe moo le tswang teng;

²⁶Jwale le tla qala ho re: ’Re ile ra ja, ra nwa pela hao, mme o rutile diterateng tsa rona.

²⁷Empa o tla re: Ke a le bolella, ha ke le tsebe moo le tswang teng; ntloheleng, lona bohle ba sebetsang bokgopo!

²⁸Ke moo dillo di tla ba teng, le ditsikitlano tsa meno, mohla le bonang Abrahama, le Isaaka, le Jakobo, le baporofeta bohle, mmusong wa Modimo, empa lona le leleketswe kantle.

²⁹Ba tla tswa botjhabela, le bophirimela, le leboya, le borwa, mme ba tla dula dijong mmusong wa Modimo.

³⁰Mme bonang, ho na le ba morao bao e tla ba ba pele, mme ho na le ba pele ba tla ba ba morao.

³¹Ka lona letsatsi leo, ha tla bafarisi ba bang, ba re ho yena: Tloha, o tlohe mona, hobane Heroda o batla ho o bolaya.

³²A re ho bona: Eyang, le bolelle phokojwe eo, le re: Bona, ke leleka batemona, ke etsa diphodiso kajeno le hosasane, mme ka tsatsi la boraro ke tla be ke phethehile.

³³Leha ho le jwalo, eka kgona ke tsamaye kajeno, hosasane, le hosasane, hobane ha ho ka ke ha eba moporofeta a timela kantle ho Jerusalema.

³⁴Jerusalema, Jerusalema, ya bolayang baporofeta, ya tlepetsang ka majwe ba rongwang ho wena! Ke ratile hangata hakakang ho bokella bana ba hao, joalo ka koko ha e bokella malinyane a eona tlas’a mapheo a eona, empa le hanne!

³⁵Bonang, ntlo ya lona e tla sala e le lesupi;