Read Southern Sotho Johanne 1 Bible Online

Johanne 1 - Southern Sotho bible

Johanne 1

¹Lentswe le ne le le tshimolohong, mme Lentswe le ne le le ho Modimo, mme Lentswe e ne e le Modimo.

²Yena eo o ne a le ho Modimo tshimolohong.

³Tsohle di entswe ke yena; mme ha ho letho le entsweng kantle ho yena.

⁴Bophelo bo ne bo le ka ho yena; mme bophelo e ne e le lesedi la batho.

⁵Lesedi le kganya lefifing; mme lefifi ha le a ka la le amohela.

⁶Ho ne ho ena le monna ya romilweng ke Modimo, lebitso la hae e le Johanne.

⁷Yena o ne a tletse ho paka, ho paka tsa lesedi, hore bohle ba tle ba dumele ka yena.

⁸E ne e se lesedi leo, empa o ne a rometswe ho paka tsa lesedi leo.

⁹Lesedi la nnete e ne e le lona, le bonesetsang motho e mong le e mong ya tlang lefatsheng.

¹⁰O ne a le lefatsheng, mme lefatshe le bile teng ka yena, mme lefatshe ha le a ka la mo tseba.

¹¹O tlile ha habo, mme ba habo ha ba a ka ba mo amohela.

¹²Empa bohle ba mo amohetseng, a ba nea matla a ho ba bana ba Modimo, e leng ba dumelang lebitsong la hae;

¹³Ba tswetsweng, e seng ka madi, leha e le ka thato ya nama, leha e le ka thato ya monna, empa e le ka Modimo.

¹⁴Lentswe le ne le etswe nama, la aha hara rona, mme ra bona kganya ya lona, kganya e kang ya Mora a nnotshi ya tswang ho Ntate, a tletse mohau le nnete.

¹⁵Johanne o mo pakile, a howa, a re: Enwa ke yena ke neng ke mmolela, ha ke re: Ya tlang kamorao ho nna, o bile teng pele ho nna;

¹⁶Mme ho botlalo ba hae re amohetse mohau hodima mohau.

¹⁷Hobane molao o neilwe ka Moshe, empa mohau le nnete di bile teng ka Jesu Kreste.

¹⁸Ha ho motho ya kileng a bona Modimo; Mora ea tsoetsoeng a ’notši, ea sefubeng sa Ntate, ke eena ea re senoletseng.

¹⁹Bona ke bopaki ba Johanne, mohla Bajuda ba romileng baprista le Balevi ba tswang Jerusalema ho mmotsa, ba re: O mang?

²⁰A ipolela, a se ke a latola; empa a ipolela, a re: Ha ke Kreste.

²¹Ba mmotsa, ba re: Jwale, o reng? A ke wena Elia? Yena a re: Ha ke yena. A ke wena moporofeta eo? A araba, a re: Che.

²²Ba re ho yena: O mang? re tle re tsebe ho araba ba re romileng. O reng ka wena?

²³A re: Ke lentswe la ya howang feelleng, le re: Lokisang mmila wa Morena, jwalokaha moporofeta Esaia a boletse.

²⁴Bao ba romilweng e ne e le ba Bafarisi.

²⁵Ba mmotsa, ba re ho yena: Jwale, o kolobeletsang, ha o se Kreste, leha e le Elia, leha e le moporofeta eo?

²⁶Johanne a ba araba, a re: “Nna ke kolobetsa ka metsi;

²⁷Ke yena ya tlang kamorao ho nna, ya bileng teng pele ho nna, eo leqhwele la seeta sa hae ke sa lokelang ho lokolla leqhwele la seeta sa hae.

²⁸Tsena di etsahetse Bethabara, mose wane wa Jordane, moo Johanne a neng a kolobetsa teng.

²⁹Ka la hosasane a bona Jesu a etla ho yena, a re: Bonang, Konyana ya Modimo e tlosang sebe sa lefatshe!

³⁰Ke yena eo ke buileng ka yena, ka re: Kamorao ho nna ho tla monna ya bileng teng pele ho nna;

³¹Le nna ke ne ke sa mo tsebe, empa ke tlile ke kolobetsa ka metsi hore a bonahatswe ho Iseraele.

³²Johanne a paka, a re: Ke bone Moya o theoha lehodimong jwaloka leeba, mme wa dula hodima hae.

³³Le nna ke ne ke sa mo tsebe, empa ya nthomileng ho kolobetsa ka metsi, ke yena ya itseng ho nna: Eo o tla bona Moya o theohela hodima hae, o dula hodima hae, ke yena ya kolobetsang ka Moya o Halalelang.

³⁴Mme ka bona, mme ka paka hore enwa ke Mora wa Modimo.

³⁵Ka la hosasane hape Johanne a ema le barutuwa ba hae ba babedi;

³⁶Yare ha a tadima Jesu a tsamaya, a re: Bonang, Konyana ya Modimo!

³⁷Barutuwa ba babedi ba mo utlwa a bua, mme ba latela Jesu.

³⁸Jesu a reteleha, a ba bona ba mo latela, a re ho bona: Le batla’ng? Ba re ho yena: Rabbi, (ke ho re, ha ho fetolwa, Moruti), o dula kae?

³⁹A re ho bona: Tloong, le bone. Ba tla, ba bona moo a dulang teng, mme ba hlola le yena tsatsi leo, hobane e ne e ka ba hora ya leshome.

⁴⁰E mong wa ba babedi ba utlwileng Johanne a bua, mme ba mo latela, e ne e le Andrease, ngwanabo Simone Petrose.

⁴¹Yena a qala ka ho fumana Simone, ngwanabo, mme a re ho yena: Re fumane Mesia, ke ho re, Kreste, ha ho fetolwa.

⁴²A mo tlisa ho Jesu. Jesu ha a mmona, a re: O Simone, mora Jona;

⁴³Ka hosasane, Jesu a rata ho tswela Galilea, mme a fumana Filipi, mme a re ho yena: Ntatele.

⁴⁴Filipi e ne e le wa Bethsaida, motse wa habo Andrease le Petrose.

⁴⁵Filipi a fumana Nathanaele, a re ho yena: Re fumane eo Moshe a ngodileng ka yena molaong, le baporofeta, e leng Jesu, mora Josefa, wa Nasaretha.

⁴⁶Nathanaele a re ho yena: Na ntho e molemo e ka tswa Nasaretha na? Filipi a re ho yena: Tloo, o bone.

⁴⁷Jesu a bona Nathanaele a etla ho yena, mme a bua ka yena, a re: “Bonang Moiseraele wa sebele, eo ho seng mano ho yena!

⁴⁸Nathanaele a re ho yena: O ntsebela kae? Jesu a araba, a re ho yena: Ke o bone pele Filipi a o bitsa, o le tlasa sefate sa feiye.

⁴⁹Nathanaele a araba, a re ho yena: Rabbi, o Mora wa Modimo; o Kgosi ya Iseraele.

⁵⁰Jesu a araba, a re ho yena: O dumela kahobane ke o boleletse, ka re: Ke o bone tlasa sefate sa feiye? o tla bona tse kgolo ho tsena.

⁵¹A re ho yena: “Kannetenete ke re ho lona: Ho tloha jwale le tla bona lehodimo le phetlehile, le mangeloi a Modimo a nyoloha a bile a theohela hodima Mora motho.