Read Southern Sotho Johanne 11 Bible Online

Johanne 11 - Southern Sotho bible

Johanne 11

¹Jwale ho ne ho ena le monna ya kulang, ya bitswang Lasaro, wa Bethania, motsaneng wa habo Maria le Maretha, kgaitsedi ya hae.

²(E ne e le Maria ya ileng a tlotsa Morena ka setlolo, mme a mo hlakola maoto ka moriri wa hae, eo kgaitsedi ya hae Lasaro a neng a kula.)

³Ka baka leo, dikgaitsedi tsa hae tsa romela ho yena, tsa re: Morena, bona, eo o mo ratang o a kula.

⁴Jesu ha a utlwa, a re: Ho kula hoo hase ho isa lefung, empa ke ka baka la tlotliso ya Modimo, hore Mora wa Modimo a tlotliswe ka hona.

⁵Jwale Jesu o ne a rata Maretha, le kgaitsedi ya hae, le Lasaro.

⁶Ha a utlwa hore o a kula, a hlola matsatsi a mabedi sebakeng seo a neng a le ho sona.

⁷Kamora tseo, a re ho barutuwa ba hae: A re boeleng re ye Judea.

⁸Barutuwa ba hae ba re ho yena: Rabbi, Bajuda ba sa tswa batla ho o tlepetsa ka majwe; mme o ya teng hape?

⁹Jesu a araba, a re: Na hora ha di leshome le metso e mmedi motsheare? Ha motho a tsamaya motshehare, ha a kgoptjwe, hobane o bona lesedi la lefatshe lena.

¹⁰Empa ha motho a tsamaya bosiu, o a kgoptjwa, hobane ha ho lesedi ho yena.

¹¹A bua taba tseo, mme kamora moo a re ho bona: Lasaro, motswalle wa rona, o robetse; empa ke ya, ke tle ke mo tsose borokong.

¹²Barutuwa ba hae ba re: Morena, ha a robetse, o tla fola.

¹³Leha ho le jwalo, Jesu o ne a bua ka lefu la hae;

¹⁴Jwale Jesu a ba bolella phatlalatsa, a re: Lasaro o shwele.

¹⁵Mme ke thabela ka baka la lona hore ebe ke ne ke le siyo, le tle le dumele; leha ho le jwalo a re yeng ho yena.

¹⁶Yaba Thomase, ya bitswang Didima, o re ho barutuwa ka yena: A re yeng le rona, re tle re shwe le yena.

¹⁷Eitse ha Jesu a fihla, a fumana e se e le matsatsi a mane a le lebitleng.

¹⁸Jwale Bethania e ne e le haufi le Jerusalema, sebaka sa distadia tse ka bang leshome le metso e mehlano.

¹⁹Bajuda ba bangata ba ne ba tlile ho Maretha le Maria ho ba tšelisa mabapi le khaitseli ea bona.

²⁰Yare ha Maretha a utlwa hore Jesu o a tla, a ya mo kgahlanyetsa; empa Maria a itulela ka tlung.

²¹Yaba Maretha o re ho Jesu: Morena, hojane wa ba teng, kgaitsedi ya ka e ka be e sa shwa.

²²Empa le jwale ke a tseba hore tsohle tseo o di kopang ho Modimo, Modimo o tla o nea tsona.

²³Jesu a re ho yena: Kgaitsedi ya hao e tla tsoha.

²⁴Maretha a re ho yena: Ke a tseba hobane o tla tsoha tsohong ka tsatsi la ho qetela.

²⁵Jesu a re ho yena: Ke nna tsoho le bophelo: ya dumelang ho nna, leha a shwele, o tla phela.

²⁶Mme e mong le e mong ya phelang, mme a dumela ho nna, a ke ke a shwa le ka mohla o le mong. Na u lumela see?

²⁷A re ho yena: E, Morena, ke dumela hore o Kreste, Mora wa Modimo, ya tlang lefatsheng.

²⁸Eitse hobane a bue jwalo, a ya bitsa Maria kgaitsedi ya hae sephiring, a re: Moruti o tlile, o a o bitsa.

²⁹Yare ha a utlwa hoo, a ema kapele, a tla ho yena.

³⁰Joale Jesu o ne a e-s’o fihle motseng, empa o ne a le sebakeng seo Maretha a mo khahlanyetsang ho sona.

³¹Bajuta ba ba neng ba na nae mo ntlong ba mo gomotsa, e rile ba bona Maria a nanoga ka bonako, a tswela kwa ntle, ba mo sala morago, ba re: “O ya kwa phupung go ya go lelela teng.

³²Maria, ha a fihla moo Jesu a leng teng, ha a mmona, a itihela maotong a hae, a re ho yena: Morena, hoja o ne o le teng, kgaitsedi ya ka e ka be e sa shwa.

³³Jesu ha a mmona a lla, le Bajuda ba tlileng le yena ba ntse ba lla, a hlabeha moyeng, a tshwenyeha.

³⁴A re: Le mmeile kae? Ba re ho yena: Morena, tloo o bone.

³⁵Jesu a lla.

³⁶Yaba Bajuda ba re: Bonang, o ne a mo rata hakakang!

³⁷Ba bang ho bona ba re: Enwa ya tutubolotseng mahlo a sefofu, na ha a ka a kgona ho etsa hore le yena a se ke a shwa na?

³⁸Jesu a boela a fehelwa ka ho yena, a tla lebitleng. E ne e le lehaha, mme lejwe le behilwe hodima lona.

³⁹Jesu a re: Tlosang lejwe. Maretha, kgaitsedi ya mofu, a re ho yena: Morena, o se a nkga, hobane e se e le matsatsi a mane a shwele.

⁴⁰Jesu a re ho yena: Na ha ke a ka ka o bolella hore, ha o dumela, o tla bona kganya ya Modimo na?

⁴¹Joale ba tlosa lejoe moo mofu a neng a behiloe teng. Yaba Jesu o emisa mahlo a hae, a re: Ntate, ke a o leboha ha o nkutlwe.

⁴²Ke ne ke tseba hobane o nkutlwa kamehla, empa ke boletse hoo ka baka la bongata bo emeng pela hae, hore ba tle ba dumele hobane o nthomile.

⁴³Eitse hobane a bue jwalo, a howa ka lentswe le leholo, a re: Lasaro, tswa!

⁴⁴Mofu a tswa, a thatilwe maoto le matsoho ka masela, mme sefahleho sa hae se phuthetswe ka lesela. Jesu a re ho bona: Mo lokolleng, le mo lese a ikele.

⁴⁵Jwale ba bangata ba Bajuda ba neng ba tlile ho Maria, ha ba bona tse entsweng ke Jesu, ba dumela ho yena.

⁴⁶Empa ba bang ba bona ba ya ho Bafarisi, ba ba bolella tseo Jesu a di entseng.

⁴⁷Jwale, baprista ba baholo le Bafarisi ba bokella lekgotla, ba re: “Re etsang? hobane monna enwa o etsa mehlolo e mengata.

⁴⁸Haeba re mo tlohela jwalo, bohle ba tla dumela ho yena, mme Baroma ba tla tla, ba nke sebaka sa rona le setjhaba sa rona.

⁴⁹E mong wa bona, ya bitswang Kaiafa, eo e neng e le moprista e moholo ka selemo seo, a re ho bona: Ha le tsebe letho.

⁵⁰Mme le hona ha le bone hoba ho molemo ho rona, ha motho a le mong a ka shwela setjhaba, mme setjhaba sohle se se ke sa timela.

⁵¹Hona ha a a ka a bua ka ho iqalla, empa kahobane e ne e le moprista e moholo ka selemo seo, o ne a porofete hore Jesu o tla shwela setjhaba seo;

⁵²E seng bakeng sa setjhaba seo feela, empa e le hore a bokelle bana ba Modimo ba hasaneng ba le bang.

⁵³Joale ho tloha letsatsing leo ho ea pele ba rera hammoho ho mo bolaea.

⁵⁴Jesu ha a ka a hlola a tsamaya pontsheng hara Bajuda; a tloha teng, a ya naheng e haufi le lefeella, motseng o bitswang Efraime, mme a hlola teng le barutuwa ba hae.

⁵⁵Paseka ya Bajuda e ne e le haufi, mme ba bangata ba nyolohela Jerusalema pele ho Paseka, ho ya itlhwekisa.

⁵⁶Jwale ba batla Jesu, mme ba buisana ba eme ka Tempeleng, ba re: “Le reng ha a ka ke a tla moketeng?

⁵⁷Joale baprista ba baholo le Bafarisi ba ne ba fane ka taelo ea hore, haeba mang kapa mang a tseba moo a leng teng, a bolele, e le hore ba ka mo tšoara.