Read Southern Sotho Johanne 15 Bible Online

Johanne 15 - Southern Sotho bible

Johanne 15

¹Ke nna sefate sa morara sa nnete, mme Ntate ke molemi.

²Lekala le leng le le leng le ho nna le sa beheng, o a le tlosa, mme lekala le leng le le leng le behang o a le hloekisa, hore le tle le behe haholo.

³Jwale lona le hlwekile ka lentswe leo ke le boleletseng lona.

⁴Dulang ho nna, le nna ho lona. Joalo ka ha lekala le ke ke la beha litholoana ka bolona, ha le sa lule sefateng sa morara; ha le ka ke la hlola le kgona, ha le sa dule ho nna.

⁵Ke nna sefate sa morara, lona le makala; ya dutseng ho nna, le nna ho yena, ke yena ya behang ditholwana tse ngata, hobane kantle ho nna le ke ke la etsa letho.

⁶Ekare ha motho a sa dule ho nna, o lahlelwa ntle jwaloka lekala, mme o a omella; mme batho ba a bokella, ba a lahlela mollong, mme a tjhe.

⁷Haeba le dula ho nna, mme dipolelo tsa ka di dula ho lona, le tla kopa seo le se batlang, mme le tla se etsetswa.

⁸Ntate o tlotliswa ka hona, ke ha le beha ditholwana tse ngata; kahoo le tla ba barutuoa ba ka.

⁹Jwalokaha Ntate a nthatile, le nna ke le ratile jwalo: dulang leratong la ka.

¹⁰Ekare ha le boloka melao ya ka, le tla dula leratong la ka; jwalokaha le nna ke bolokile ditaelo tsa Ntate, mme ke dutse leratong la hae.

¹¹Ke le boleletse taba tseo, hore thabo ya ka e dule ho lona, mme thabo ya lona e tle e be e tletseng.

¹²Ena ke taelo ya ka, hore le ratane, jwalokaha ke le ratile.

¹³Ha ho ya nang le lerato le fetang lena, hore motho a tele bophelo ba hae bakeng sa metswalle ya hae.

¹⁴Le metswalle ya ka, ha le etsa tsohle tseo ke le laelang tsona.

¹⁵Ho tloha jwale ha ke le bitse bahlanka; hobane mohlanka ha a tsebe seo monga hae a se etsang; hobane tsohle tseo ke di utlwileng ho Ntate, ke le tsebisitse tsona.

¹⁶Hase lona le nkgethileng, empa ke nna ke le kgethileng, mme ke le behile hore le tsamaye, mme le behe ditholwana, mme ditholwana tsa lona di nne di dule, hore eng kapa eng eo le e kopang ho Ntate ka lebitso la ka, a le nee yona.

¹⁷Ke le laela taba tseo, hore le ratane.

¹⁸Haeba lefatshe le le hloya, le a tseba hore le ntlhoile pele le le hloya.

¹⁹Hoja le ne le le ba lefatshe, lefatshe le ka be le rata sa lona; empa kahobane le se ba lefatshe, ke mpa ke le kgethile lefatsheng, ke ka baka leo lefatshe le le hloileng.

²⁰Hopolang lentswe leo ke le boleletseng lona, ka re: Mohlanka ha a moholo ho morena wa hae. Haeba ba ntlhorisitse, le lona ba tla le hlorisa; ha ba bolokile lentswe la ka, ba tla boloka le la lona.

²¹Empa ntho tseo tsohle ba tla le etsa tsona ka baka la lebitso la ka, kahobane ha ba tsebe ya nthomileng.

²²Hojane ke se ke ka tla ho bua le bona, ba ka be ba se na sebe;

²³Ya ntlhoileng o hloile le Ntate.

²⁴Hojane ke se ke ka etsa mesebetsi hara bona, eo ho seng motho ya e entseng, ba ka be ba se na sebe;

²⁵Empa hoo ho etsahale hore ho tle ho etsahale lentswe le ngodilweng molaong wa bona, le reng: Ba ntlhoile feela.

²⁶Etlare ha Moemedi a fihla, eo ke tla mo romela ho lona a etswa ho Ntate, e leng Moya wa nnete, o tswang ho Ntate, ke yena ya tla paka tsa ka.

²⁷Le lona le tla paka, hobane le bile le nna ho tloha tshimolohong.