Read Southern Sotho Johanne 17 Bible Online

Johanne 17 - Southern Sotho bible

Johanne 17

¹Jesu a bua taba tseo, mme a lelaletsa mahlo a hae lehodimong, a re: Ntate, nako e tlile; tlotlisa Mora oa hao, hore Mora oa hao le eena a u tlotlise.

²Jwalokaha o mo neile matla hodima nama yohle, hore bohle bao o mo neileng bona, a ba nee bophelo bo sa feleng.

³Mme bophelo bo sa feleng ke hore ba o tsebe, wena Modimo o nnotshi wa nnete, le Jesu Kreste eo o mo romileng.

⁴Ke o tlotlisitse lefatsheng, ke phethile mosebetsi oo o nneileng wona hore ke o etse.

⁵Jwale, Ntate, nkgalaletse ho wena ka kganya eo ke neng ke ena le yona ho wena pele lefatshe le eba teng.

⁶Lebitso la hao ke le senoletse batho bao o nneileng bona lefatsheng: e ne e le ba hao, mme o nneile bona; mme ba bolokile lentswe la hao.

⁷Jwale ba tsebile hore tsohle tseo o nneileng tsona di tswa ho wena.

⁸Hobane ke ba neile mantswe ao o nneileng wona; mme ba di amogetse, ba bile ba itse ruri gore ke tswa kwa go wena, mme ba dumetse gore o nthomile.

⁹Ke rapella bona; ha ke rapelle lefatshe, empa ke rapella bao o nneileng bona; hobane ke ba hao.

¹⁰Mme tsohle tsa ka ke tsa hao, mme tsa hao ke tsa ka; mme ke tlotlisitswe ho bona.

¹¹Mme jwale ha ke sa le lefatsheng, empa bana ba sa le lefatsheng, mme nna ke tla ho wena. Ntate ea halalelang, ba boloke ka lebitso la hao bao u mphileng bona, e le hore ba ka ba bang feela joalokaha re le bang.

¹²Enere ha ke sa na le bona lefatsheng, ka ba boloka ka lebitso la hao, bao o nneileng bona; hore Lengolo le tle le etsahale.

¹³Jwale ke tla ho wena; mme taba tseo ke di bolela ke sa le lefatsheng, hore ba tle ba be le thabo ya ka e phethehileng ho bona.

¹⁴Ke ba neile lentswe la hao; mme lefatshe le ba hloile, kahobane e se ba lefatshe, jwalokaha le nna ke se wa lefatshe.

¹⁵Ha ke o rapele hore o ba tlose lefatsheng, empa ke re o ba sireletse ho ya kgopo.

¹⁶Hase ba lefatshe, jwalokaha le nna ke se wa lefatshe.

¹⁷Ba halaletse ka nnete ya hao; lentswe la hao ke nnete.

¹⁸Jwalokaha o nthomile lefatsheng, le nna ke ba romile lefatsheng.

¹⁹Mme ke a iitshepisa ka baka la bona, hore le bona ba halaletswe ka nnete.

²⁰Ha ke rapelle bona feela, empa ke rapella le ba dumelang ho nna ka lentswe la bona;

²¹hore bohle ba be bang; jwalokaha wena, Ntate, o le ho nna, le nna ke le ho wena, le bona ba ka ba ho rona: hore lefatshe le tle le dumele hobane o nthomile.

²²Mme ke ba file kganya eo o nneileng yona; ba tle ba be bang, jwalokaha rona re le bang;

²³Nna ke le ho bona, wena o ho nna, ba tle ba phethehe bonngweng; mme lefatshe le tle le tsebe hobane o nthomile, mme o ba ratile, jwalokaha o nthatile.

²⁴Ntate, bao o nneileng bona, ke rata hore moo ke leng teng, le bona ba be le nna; hore ba tle ba bone kganya ya ka, eo o nneileng yona, hobane o nthatile pele lefatshe le thewa.

²⁵Ntate ya lokileng, lefatshe ha le a o tseba, empa nna ke o tsebile, mme bana ba tsebile hore o nthomile.

²⁶Ke ba tsebisitse lebitso la hao, mme ke tla le bolela, hore lerato leo o nthatileng ka lona le be ho bona, le nna ke be ho bona.