Read Southern Sotho Johanne 21 Bible Online

Johanne 21 - Southern Sotho bible

Johanne 21

¹Kamora tseo, Jesu a boela a iponahatsa ho barutuwa ba hae pela lewatle la Tiberiase; mme a iponahatsa ka tsela ena.

²Simone Petrose, le Thomase, ya bitswang Didima, le Nathanaele wa Kana ya Galilea, le bara ba Sebedea, le barutuwa ba hae ba babedi ba ne ba le mmoho.

³Simone Petrose a re ho bona: Ke ya tshwasa dihlapi. Ba re ho yena: Le rona re ya le wena. Ba tloha, ba kena sekepeng hang; mme bosiung boo ha ba ka ba tshwara letho.

⁴Eitse ha bo esa, Jesu a ema lebopong la lewatle, empa barutuwa ba sa tsebe hore ke Jesu.

⁵Jesu a re ho bona: Bana, na le na le ho hong? Ba mo araba, ba re: Che.

⁶A re ho bona: Lahlelang letlowa ka lehlakoreng le letona la sekepe, mme le tla fumana. Yaba ba lahlela, mme jwale ba sitwa ho le hula ka baka la bongata ba dihlapi.

⁷Yaba morutuwa eo Jesu a mo rata, a re ho Petrose: Ke Morena. Simone Petrose, ha a utlwa hoba ke Morena, a itlama ka seaparo sa hae sa motshwasi, kahobane a ne a hlobotse, mme a itihela lewatleng.

⁸Barutuwa ba bang ba tla ka sekepana; (hobane ba ne ba se hole le lefatshe, e ka ba ditswe tse makgolo a mabedi), ba hula letlowa la dihlapi.

⁹Eitse ha ba fihla lebopong, ba bona mollo wa mashala, le tlhapi e beilweng hodima wona, le bohobe.

¹⁰Jesu a re ho bona: Tlisang dihlapi tse ding tseo le di tshwereng jwale.

¹¹Simone Petrose a nyoloha, a hulela letlooa naheng e tletseng litlhapi tse khōlō, tse lekholo le mashome a mahlano a metso e meraro;

¹²Jesu a re ho bona: Tloong, le je. Mme ha ho le a mong wa barutuwa ya betang pelo ho mmotsa, a re: O mang? ka ho tseba hore ke Jehova.

¹³Jesu a tla, a nka bohobe, a ba nea bona, a ba a ba nea le dihlapi.

¹⁴Lena e ne e se e le kgetlo la boraro Jesu a iponahatsa ho barutuwa ba hae, ha a se a tsohile bafung.

¹⁵Eitse hobane ba je, Jesu a re ho Simone Petrose: Simone, mora Jona, a o nthata ho fetisa bana na? A re ho yena: E, Morena; o a tseba hobane ke a o rata. A re ho yena: Fepa dikonyana tsa ka.

¹⁶A boela a re ho yena la bobedi: Simone, mora Jona, a o a nthata na? A re ho yena: E, Morena; o a tseba hobane ke a o rata. A re ho yena: Fepa dinku tsa ka.

¹⁷A re ho yena la boraro: Simone, mora Jona, a o a nthata na? Petrose a swaba ke ha a itse ho yena la boraro, a re: O a nthata na? A re ho yena: Morena, o tseba tsohle; o a tseba hobane ke a o rata. Jesu a re ho yena: Fepa dinku tsa ka.

¹⁸Kannetenete ke re ho wena: Ha o ne o sa le monyenyane, o ne o itlama, o itsamaela moo o ratang teng; empa mohla o tsofetseng, o tla otlolla matsoho a hao, e mong a o tlame, a o ise moo o ratang. eseng.

¹⁹O ne a bua hona, a bontsha lefu leo a tla tlotlisa Modimo ka lona. Eitse hobane a bolele hoo, a re ho yena: Ntatele.

²⁰Petrose a reteleha, a bona morutuwa eo Jesu a neng a mo rata a latela. ya neng a itshetlehile sefubeng sa hae ha ba le selallo, a re: Morena, ya o ekang ke ofe?

²¹Petrose a mmona a re ho Jesu: Morena, mme eo o tla etsa jwang?

²²Jesu a re ho yena: Ha ke rata hore a dule ke be ke tle, e ka ba eng ho wena? ntatele wena.

²³Jwale lentswe leo la phatlalla hara baena, la hore morutuwa eo ha a ka ke a shwa. empa ha ke rata hore a dule ke be ke tle, e ka ba eng ho wena?

²⁴Enoa ke morutuoa ea pakang lintho tsena, ea ngotseng lintho tsena, ’me rea tseba hore bopaki ba hae ke ’nete.

²⁵Hape, ho sa na le tse ding tse ngata tseo Jesu a di entseng, tseo, ha di ne di ka ngolwa kaofela, ke hopolang hore le lefatshe ka bolona le ne le ke ke la lekana dibuka tse ka ngolwang. Amen.