Read Southern Sotho Johanne 5 Bible Online

Johanne 5 - Southern Sotho bible

Johanne 5

¹Kamora tseo, ho ne ho ena le mokete wa Bajuda; mme Jesu a nyolohela Jerusalema.

²Jwale, Jerusalema, haufi le Kgoro ya Dinku, ho na le letsha le bitswang Bethesda ka Seheberu, le nang le mathule a mahlano.

³Ho ne ho robetse letshwelehadi la ba kulang, le difofu, le dihlotsa, le ba omeletseng ditho, ba letetse ho sisinyeha ha metsi.

⁴Hobane ka nako e nngwe lengeloi le ne le theohela letsheng, le fuduhe metsi;

⁵Monna e mong o ne a le teng moo, ya neng a kula ka dilemo tse mashome a mararo a metso e robedi.

⁶Jesu ha a mmona a robetse, mme a tseba hobane e se e le kgale a le jwalo, a re ho yena: A o rata ho fola na?

⁷Mofokodi a mo araba, a re: Morena, ha ke na motho ya nkenyang letsheng, ha metsi a fuduwa;

⁸Jesu a re ho yena: Tsoha, o nke diphate tsa hao, o tsamaye.

⁹Monna eo a phakisa a fola, a nka diphate tsa hae, a tsamaya;

¹⁰Yaba Bajuda ba re ho ya fodisitsweng: Ke Sabatha;

¹¹A ba araba, a re: Ya mphodisitseng, ke yena ya itseng ho nna: Nka diphate tsa hao, o tsamaye.

¹²Ba mmotsa, ba re: Ke mang ya itseng ho wena: Nka diphate tsa hao, o tsamaye?

¹³Ya fodisitsweng o ne a sa tsebe hore na ke mang;

¹⁴Kamora tseo, Jesu a mo fumana ka tempeleng, a re ho yena: Bona, o fodile;

¹⁵Monna eo a ikela, a bolella Bajuda hore ke Jesu ya mo fodisitseng.

¹⁶Ka baka leo, Bajuda ba hlorisa Jesu, ba batla ho mmolaya, kahobane a ne a entse tseo ka Sabatha.

¹⁷Empa Jesu a ba araba, a re: Ntate o sa ntse a sebetsa, le nna ke a sebetsa.

¹⁸Ka baka leo, Bajuda ba batla ho mmolaya, kahobane e ne e se feela hore a tlotse Sabatha, empa a bile a bolela hore Modimo ke Ntatae, a iketsa ya lekanang le Modimo.

¹⁹Jesu a araba, a re ho bona: Kannetenete ke re ho lona: Mora a ke ke a etsa letho ka boyena, haese seo a bonang Ntatae a se etsa;

²⁰Hobane Ntate o rata Mora, mme o mmontsha tsohle tseo yena a di etsang, mme o tla mmontsha le mesebetsi e meholo ho ena, le tle le makale.

²¹Hobane jwalokaha Ntate a tsosa bafu, mme a ba phedise; le Mora o phedisa bao a ratang ho ba phedisa.

²²Hobane Ntate ha a ahlole motho, empa o neile Mora kahlolo yohle.

²³hore bohle ba hlomphe Mora, jwalokaha ba hlompha Ntate. Ya sa hlompheng Mora ha a hlomphe Ntate ya mo romileng.

²⁴Kannetenete ke re ho lona: Ya utlwang lentswe la ka, mme a dumela ya nthomileng, o na le bophelo bo sa feleng, mme a ke ke a kena kahlolong; empa o tlohile lefung ho kena bophelong.

²⁵Kannetenete ke re ho lona: Nako e a tla, mme e se e fihlile, eo bafu ba tla utlwa lentswe la Mora wa Modimo, mme ba le utlwang ba tla phela.

²⁶Hobane jwalokaha Ntate a ena le bophelo ka ho yena; ka mokgwa o jwalo o neile Mora hore a be le bophelo ka ho yena;

²⁷O mo neile matla a ho ahlola, hobane ke Mora motho.

²⁸Se makaleng ke hoo, hobane nako e a tla, eo bohle ba mabitleng ba tla utlwa lentswe la hae.

²⁹Mme ba tla tswa; ba entseng hantle ba tsohele bophelo; mme ba entseng bobe ba tsohele tsuo.

³⁰Nke ke ka etsa letho ka bonna; ke ahlola kamoo ke utlwang kateng, mme kahlolo ya ka e lokile; hobane ha ke batle thato ya ka, empa ke batla thato ya ya nthomileng.

³¹Haeba ke ipaka, bopaki ba ka hase ba nnete.

³²E mong o teng ya mpakang; mme ke a tseba hore bopaki boo a mpakang ka bona ke ba nnete.

³³Le rometse ho Johanne, mme o pakile nnete.

³⁴Empa nna ha ke amohele bopaki ho motho, empa ke bolela taba tseo hore le bolokehe.

³⁵Yena e ne e le lesedi le tukang, le kganyang, mme lona le ne le ratile ho thabela lesedi la hae ka nako e itseng.

³⁶Empa nna ke na le bopaki bo fetisang ba Johanne, hobane mesebetsi eo Ntate a nneileng yona hore ke e phethe, yona mesebetsi eo ke e etsang, e a mpakela hore Ntate o nthomile.

³⁷Le yena Ntate ya nthomileng, o pakile ka nna. Ha le eso ho utlwe lentswe la hae, leha e le ho bona sebopeho sa hae.

³⁸Mme lentswe la hae ha le a dula ho lona, hobane ha le dumele eo a mo romileng.

³⁹Le batlisise Mangolong; hobane le lekanya hore le na le bophelo bo sa feleng ka tsona, mme ke tsona tse mpakang.

⁴⁰Mme ha le rate ho tla ho nna, hore le tle le be le bophelo.

⁴¹Ha ke amohele tlotla ho tswa ho batho.

⁴²Empa ke a le tseba, hobane ha le na lerato la Modimo ka ho lona.

⁴³Ke tlile ka lebitso la Ntate, mme ha le nkamohele; ha e mong a ka tla ka lebitso la hae, yena le tla mo amohela.

⁴⁴Le ka dumela jwang, lona ba tlotlisang, mme le sa batle thoriso e tswang ho Modimo feela?

⁴⁵Le se ke la nahana hore ke nna ke tla le qosa ho Ntate; o teng ya le qosang, e leng Moshe, eo le mo tshepileng.

⁴⁶Hobane hoja le ne le dumetse Moshe, le ka be le ile la dumela le nna, hobane o ngotse ka nna.

⁴⁷Empa ha le sa dumele Mangolo a hae, le tla dumela jwang dipolelo tsa ka?